| Schwangere Bräute/Ehefrauen, die Schwangerschaft, Erfahrungen etc etc. |
|
|
1 .. 29 .. 55 56 57 58 59 .. 177 .. 295
|
cosa87  am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Hallo Mitenand
Ich ghör au zu dene wo do immer wieder mol mitleset... bi üs isches au e grosses Thema.. ich selber mach mir zwor nid würkli en Druck aber irgendwie machi mir halt scho immer chli gendanke.. ich ha immer wiele mit 25 Schwanger si... wür prinzipiell no lange wenns grad ''jetzt'' wür ischloh.. für das mösstemor aber zerst no üebe (also i dem sinn vo pille absetze) Irgendwie cha ich mit niemortem würkli drüber rede.. will ich immer es gfühel überchume dasme mich nid ''wett'' vostoh. Wie scho im Forum erwähnt, hends bi mir da Johr e Starki Endometriose endeckt. bi den au es 2. mol operiert worde und jetzt sött eigentlich alles dusse sie.. ha zwor leider immerno ''chli'' schmerze..
de Chefarzt het mich gfrogt wies mit de Planig usgseht.. druf isch mini Antwort gsi: mir wend sicher bis nöchste August warte (damit mir üses 1. Johr würkli in zweisamkeit verbringet)
er het den nu gmeint: da segi ok, er chönd mir zwor jetzt scho nümm garantiere das ich uf normalem weg schwanger chönt werde aber wenn ich gseit hetti erst ich 5-7 johr hetter mir fast gar kei chance meh geh..
durch da die endo so usprägt gsi isch. klar er het au gmeint es chan au grad so guet sie dases bim 1. grad klappet..
jetzt isch no dezue cho das min Maa unbedingt sötti Job wechsle.. (isch also nid grad so eifach) plus simmer jetzt no dra ob er e Wieterbildig söll afange...
ebe Drum WENN isch de Richtig Zietpunkt`??? de gits glaub würkli nie..
ich wür mir de stress nid mache mit fieber messe und und und... aber ich weis au nid wie lang das mir würkli söllet warte...
wa sich jetzt eifach gänderet het isch, wenn ich z.B. pille vogiss a eim Tag den nim ich am nöchste eifach grad beidi.. und es isch mir glich...
ahhh eifach kompliziert... und den die sprüch de ganz ziet vo de anderne... :(
sorry.. het grad mösse use..
am 27.08.2011 isch min schönste Tag gsi
*****Du bist ein Teil von mir*****
|
|
|
Proeschu  am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
@Cosa
Ich cha mer vorstelle, dass du hin ond her grisse besch... das metem richtige Ziitpunkt esch ebe scho au sone Sach... vor allem met de Endo stell ich mer das ned so "loschtig" vor.... ond dass met niemertem chasch rede, das känni... ich mach mer eifach so chli mini Gedanke, aber die mach ich för mich (aso natürli met mim GG zäme   ) aber soscht verzell ich das niemertem... wetti ebe au ned ergendwelchi "guete" Rotschläg ghöre.....
Das met de Spröch (meinsch so à la: wenn esches bi oi so wiit?) Das hört glaubs erscht uf, wennd Chend hesch...
.... wir brauchen nicht.... wir müssen nicht.... wir wollen einfach.....
HEIRATEN! 1. & 4.6.2011
|
nimbini am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
@cosa, was für sprüch muesch dir dänn immer alose vo de anderne?
also ich glaube, wänn ich eu wär, würd ich zerscht mal luege, dass din maa en neue job findet, dänn ergit sich das mit de witerbildig automatisch, was ja aber nöd muess heisse, dass ihr dänn nöd scho chönd afange üebe?! min maa isch au no inere witerbildig, solang es chind nöd grad würd cho, wänn er abschlussprüefige hät, spielts ja nöd so e rolle?!
und wie gseit, de richtig zytpunkt gits nie, de gits aber au nöd fürs hürate und für alles andere au nöd.... vo dem her! wänns für eu stimmt, dänn würd ich loslege! und wänns söll si, dänn klappts uf natürlichem weg und wänn nöd, dänn gits immer no anderi methode, wänn de chinderwunsch dänn so stark usprägt isch!
|
trobadora  am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Zitieren:
ich glaube, sobald man anfängt, tempi zu messen oder tage zu zählen, ist mal voll drin und setzt sich somit selbst unter druck! Ja, das ist etwas, was ich mir auch noch nicht vorstellen kann. Die Pille werde ich wohl jetzt nach den Flittis absetzen, ist jedenfalls so mit meinem GG "abgemacht". Ich freue mich zuerst mal auf meinen natürlichen Zyklus und bin gespannt ob einige "Wehwehchen" wirklich unerwünschte Wirkungen von der Pille sind oder nicht...
Zitieren:
weisst du, was mein erster gedanke war? "oh nein, jetzt kann ich ja nicht mehr reisen".... Also da kenne ich einige Beispiele, die das ganz gut mit Kind gewuppt bekommen haben
Zitieren:
Gibt es denn den richtigen Zeitpunkt? Meinem Gefühl/Verstand nach gab es weniger richtige, den richtigen habe ich noch nicht gefunden
Ich habe ja schon mal begonnen Folsäure zu nehmen, ganz gemäss Empfehlung der Gyni. Was ist in diesen drei Monaten passiert. Die neue Chefin zeigt ihr wahres Gesicht und ich werde gekündigt (das restliche Team hat sich in dieser Zeit auch verabschiedet). Und in drei Monaten Kündigungsfrist noch hoffentlich schnell, schnell schwanger zu werden, wollte ich mir/wir uns nicht antun und ohne Job war es für mich auch nicht optimal...
Also haben wir gewartet und jetzt sind eben diese Zweifel da...
Zitieren:
Betreffend Zweisamkeit, darüber habe ich mir nie gross Gedanken gemacht. Prinzipiell ist man dann ja zu Dritt und geniesst die Dreisamkeit. Zudem, irgendwann schlafen die Kinder auch Hhmm, ganz so easy sehe ich das nicht. Vor allem nachdem ich von einigen mitbekommen habe, wie sehr das eine Beziehung verändern kann...
|
cosa87 am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
jo genau die sprüch.. denn sit de OP lang ich halt automatisch immer chli an buch sobald ich schmerze ha..
und jo den halt immer die sprüch.. chas halt irgendwie nümme ghöre.. halt immerno mit den gedanke wa isch wenns gar nie wür klappe..
wenns den so wiet isch, und mir mit üebe afanget.. werdemors au niemortem sege... da hemmer scho beschlosse...  bruch kein druck vo ''dusse''
jo da mitem Job het würkli priorität..
hoffe dases mol klappet...
am 27.08.2011 isch min schönste Tag gsi
*****Du bist ein Teil von mir*****
|
nimbini am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
@prinzessin, hihi de spruch isch geil gsi vo wäge "beides"! genau so chasch de lüüt de wind us de segel näh, wänn chli blöd konterisch uf die dumme sprüch... mach ich au eso, wänn bi eus öpper was seit und glaub mer, die säged dänn so schnäll nüt meh 
@trobadora, oh das isch natürlich mega blöd wägem kündet werde! und ja, dänn nur schnäll schwanger werde, damit meh no zahlt isch, bringts natürlich au nöd (obwohl ich das immer jedem gschäft vo herze mag gönne, wänn so was passiert und sie no müend zahle oder sogar freistelle, hehe).....
ich gsehns au nöd so easy vo wäge, d'chind schlafed ja irgendwänn! dass sich e beziehig sehr chan ändere, wänn chind ume sind, das hani leider au scho müesse miterläbe und villicht isch es genau mit en grund, wo mir so angscht macht? mir händ so e wunderbari beziehig und was isch, wänn die sich zum schlächte änderet durch es chind? klar, es chan sich au zum positive ändere, aber ja, meh weiss es ja leider nie! und ich han jetzt ebe würklich au scho kollege i mim umfeld, wo sich bereits wieder trännt händ und die leidtragende sind dänn natürlich vor allem d'chind 
aber ich glaube mängisch, mir mached eus eifach zviel gedanke! villicht isch das en vorteil, wänn meh no jung isch, dänn macht meh eifach, ohni sich gross gedanke z'mache und je älter meh wird, umso meh tuet meh sich mit so sache usenand setze....
|
trobadora am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Ah, so viel neus 
Zitieren:
lieber so wenige Lüt wie möglich sege, dass me am Üebe isch. Än Arbetskolleg het mim Schatz verzellt, dasses im erste Üebigszyklus nid klappet het. Mol abgseh devo, dass ich mir nie het chönä vorstelle, dass Männer über so öpis redet, hets mich scho verwunderet, dass meh scho ab em erste Mol enttüscht isch, wills nid igschlage het...
Ich ha mim Schatz au gseit, mir verzellets niemerem bis ich schwanger bin und dä 3. Monet vorüber isch. Er isch doh minere Meinig 
Also mir hend zur Hochzyt vo dä einte scho ä Kinderlampe übercho und anderi hend im Glückwunsch-Spruch gschriebe, dass es üs en Bueb innerhalb vomene Johr wünschet und sicher keis Wybervolk. Ähm jo, no comments
|
trobadora am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Zitieren:
(obwohl ich das immer jedem gschäft vo herze mag gönne, wänn so was passiert und sie no müend zahle oder sogar freistelle, hehe) So blöd, wie die sich benoh hend, hettets echt verdient, aber ebe... Ich han mini "Genugtuung" übercho, indems noch nidmol 6 Mönet wieder akroche cho sind. anderersiets nervts mich nomeh, wills mir zeiget hend, dass die würkli eifach nüt überleit gha hend. Aber da ghört doh nid ane...
Zitieren:
villicht isch es genau mit en grund, wo mir so angscht macht? *zuestimm* Äs isch grad so schö und au über die ganz Beziehig gsi...
Zitieren:
jetzt ebe würklich au scho kollege i mim umfeld, wo sich bereits wieder trännt händ Jep, ganzi drei Päärli, no keini 30gi und scho gschiede... Guet, da schaff ich/schaffet mir wohl nümä, aber ich finds ziemlich krass 
Zitieren:
jo da mitem Job het würkli priorität.. Min Schatz het grad au ziemlichi Ungwüssheit, aber er het sich abote mitem Chind dihei zbliebe. Bi üs wärs nidmol äs schlechteschte... Für mich isch dä Gedanke voll zschaffe aber irgendwie ungwohnt. Obwohl ich sicher weiss, dass ich au nachher wieter schaffe, wenn ich denn cha (isch i mim Metier au nid grad eifach)
|
chloe  am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Das mit de Sprüch isch wirklich schlimm... Für sehr vieli Lüt ghört hürate und nachher grad Chind übercho irgendwie zäme?! Ich persönlich has vorem Hochzyt no schlimmer gfunde als jetzt. Do hei sehr viel Lüt gfrägt "bisch schwanger"! Ich so nei, mier wei eifach ENAND HÜRATE wöu mer de Räschte vom Läbe wei zäme verbringe. Chind chunnt mer ja ned eifach so über, söugi de mi Schatz verla, wenns nid klappet? Aso dLüt si mängisch eifach komisch. Fallt euch das ou uf, dass dLüt euch ufe Buuch luege? Säge de ame eifach "hei, mis Gsicht isch im Fau da obe"! Sie si de ame piinlich berüehrt Guet so! Es geit nämlich niemer öppis a!
|
|
Sony nicht registriert am 14.11.2011
Re: Schwangere Bräute/Ehefrauen, die Schwangerschaft, Erfahrungen etc etc.
Chloe, das stimmt. Meine zukünftige SchiMu meinte zu uns, wieso wollt ihr noch so jung euer Leben wegschmeissen !?  Ich dann, wieso? Ihre Antwort (der hammer):
Ja, so früh Kinder kriegen.... dann ist das Leben gelaufen....
Mein GG und ich sind uns einig, das wir mit dem Kinder bekommen noch warten. Wir sind ja erst 22ig und 24ig.... da hani wir noch zeit, und die nehmen wir uns.
Versteh die meisten Leute sowieso nicht, wenns um das Thema geht.
Kurz ein Schritt bei seite: meine Oma, als wir ihr gesagt haben dass wir heiraten: hach, das wurde ja mal Zeit
Nach 34'343 gmeinsamä Stundä gäbä mir üs ds Ja-Wort
|
|
|
1 .. 29 .. 55 56 57 58 59 .. 177 .. 295
|
Anmelden
