| Schwangere Bräute/Ehefrauen, die Schwangerschaft, Erfahrungen etc etc. |
|
|
1 .. 40 .. 77 78 79 80 81 .. 188 .. 295
|
bergeri  am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
@chäferli: I nimma nüt, dass es sich ipendlet. Wenni im Februar, noch mina Feria immer no nid an normala Zyklus han, lüti denn amol minera Frauärztin ah. Hoffa as chunnt jetz no bis denn.
Also bi miar isches so, dass i vor ca. 3 Mönet mir Pilla ufghört han, und miar jetz nur no mit Kondom verhüaten. Nochdem i ufghört han, hani öppa 1.5 Wucha permanent a schmiarbluatig kha. Nid normali Mens. Sither hani gär nüdmeh kha, weder Bluatig no dia normal Mens.....
****Ziviltrauung 26.7.2013 & Zeremonie in der Woche darauf auf hoher See ****
|
|
|
Chaeferli1  am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
@insomnia. Wow, denn hed das bi dier ja sozäge sofort klappet, soooo schön  !
Also ich han immer ei Wuche Schmierbluetige und denn ei Wuche wieder nüd und denn fangst scho wieder mit Schmierbluetige aa. Ich glaube, das ich nu gar kein Eisprung gha ha und darum au nie en richtigi Mens ha.
@bergeri. Ou das isch au doof. So weisch ja gar nid, öbd evtl. scho schwanger bisch oder?
Ich warte etz au nu bis Nüjahr und frage de bi minnere FA, öbi öpis söll mache.
Üsi Märlihochziit isch am 11.5.12
|
bergeri am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
@Chäferli: I denka jetz amol dass i nid schwanger bin, well miar jo eba gär nonid üaben sondern no mit Kondom verhüaten. Und well miar jo erst in 1.5 Johr hüroten und erst nocher wetten mit üaba afanga het das jetz no abiz zyt zum ipendla. hoffa bis denn isches denn sowit. 
Aber wenns bis im Februar nid guat isch, lüti sicher au amol minera FA ah.
****Ziviltrauung 26.7.2013 & Zeremonie in der Woche darauf auf hoher See ****
|
pingu83 am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
Also wenn ich das so lese, bin ich mier au am überlegge ob ich d'pille nit scho söll absetze!!!
Ich nimm sie jetzt au sit 12 Jahr mit zum teil kline unterbrüch und han mer eigentlich denkt ich nimm sie bis mier ghürote sid und setz sie denn ab, aber wenn ich üchi inputs lese muess ich mier glaubs würkli überlegge zum jetzt sco absetze
*Aus Freundschaft wurde Liebe -> 13.07.2012 / 08.09.2012*
|
sheilyn am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
chann jedem empfähle t pelle gli gnue absetze!
i han t pelle au 5 johr (döregnoh, also nor all 3-4 mönet en pause ihgleid), han si extra 6-7 mönet vor üebigs start abgsezt, welli gwösst han, de zyklus brucht zit. so hani min zyklus au super chönne beobachte ond han genau gwösst, wenn mini frochtbare täg send, i dänke das hed mer sehr gholfe, dass es denn grad im 1. üebigszüklus ihgschlage hed!
i wörds jedem empfähle. im noch hinein wördi sogar nie meh hormon näh! es ged einigi anderi besseri verhüetigsmethode.
chann zom bispel jedem NFP (tempi mässe) as härz legge, super sach! das hani au gmacht, zerscht zom verhüete ond denne zom schwanger wärde 100% erfolg hani chönne verbueche. 
i dere zit wommer denn weiss wemmer frochtbar esch, aber no wett bis zom hochzit warte, met scharf schiesse, chammer denn ide frochtbare täg verhüete. (kondom, oder "natürlech")
ond sobald mer denn chann ahfoh, könnt mer sin körper ond chann die frochtbare täg super nötze!
.oO°Oo..26.06.2010..oO°Oo.
Ond am 26.02.12 wärdet mer en Familie!
Zuletzt bearbeitet am 19.12.11 21:24
|
pingu83 am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
Danke fürs Info's.
Ich wird das grad mal mit mim liebste bespreche...
*Aus Freundschaft wurde Liebe -> 13.07.2012 / 08.09.2012*
|
fleur  am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
@pingu83: ich habe im juni die pille nach etwa 7 jahren abgesetzt und habe gleich zu beginn relativ regelmässig die periode bekommen. gibts also auch . ich bin aber trotzdem zufrieden, dass ich sie etwa 3/4 jahr vor übungsbeginn abgesetzt habe, so lernt man sich wirklich gut kennen und kann den zyklus lernen einzuschätzen.
ob ich dann die fruchtbaren tage rausbekomme, wenn wir im frühling beginnen zu üben, werden wir ja sehen  .
lg, fleur
20. 1. 2012 --- unser Tag
|
Schlumpf79 am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
Ech han Pille au 10 Mönet bevor mer gstartet hend met üebe ufghört. Ech bin au mega froh, so het dr Körper sech chönne dragwöhne und so het sech de au alles ipendlet. Ech empfiehle das echt a allne! Und ech ha Pille fast 15Jahr meh odr weniger durchgängig gnu.
LG
hend e wunderschöne 2. Juli 2011 gha - eifach unvergesslich
Zuletzt bearbeitet am 19.12.11 21:56
|
fleur am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
@schlumpf: jetzt hoffe ich natürlich auch fest, dass wir dann auch so glück haben wie ihr..
20. 1. 2012 --- unser Tag
|
sheilyn am 19.12.2011
Re: Schwangere Bräute/Ehefrauen, die Schwangerschaft, Erfahrungen etc etc.
aso ech han denn nie gschrebe, dass ech onregelmässige zykle gha han, noch de pille ;)
mer lehrt sin körper eifach könne ond weiss wie er tickt, die einte hend en regelmässige zyklus, die andere bald en regelmässige zyklus ond bi de einte chas zemmli lang goh, oder garnie ohni helf vo osse (FA). könni au serigi. mer weiss ahlt nie was mer bechond! 
ech sälber han so schnell gmerkt, dass ech eifach chli längeri zykle, vo dorchschnettlech 34 täg han. mer chann also ned eifach ahnäh, dass de eisprong 2 woche noch mens chond.  sondern düend üch informiere (also wenn ehr wend. ), de ES esch emmer 2 woche VOR de mens! ond wenn mer weiss wenn t mens chond, weiss mer wenn mer frochtbar esch, was sech jo uf wenigi stond pro zyklus beschränkt!!!
uf www.swissmom.ch werd eim söscht au emmer gholfe bi froge (au wenn mer noni schwanger esch! ) oder aber www.mynfp.de
ond.... (bald) hibbel-fraue...
dänked denn drah secher 3 mönet vor hibbelstart folsüri z näh. well wemmer t pille absezt, sackt dä speicher drastisch in chäller! ond wenn mer jo scho vor hed geplant ss z wärde, chann mer sin köper jo au scho so zwäg mache, wie mer ehn förs baby am beschte hät. nämmli gsond ond ebe vorbereitet. :)
(also au nor sone tip... ^^ was ehr möched müend ehr sälber wösse logischerwiis  )
.oO°Oo..26.06.2010..oO°Oo.
Ond am 26.02.12 wärdet mer en Familie!
Zuletzt bearbeitet am 19.12.11 22:07
|
|
|
1 .. 40 .. 77 78 79 80 81 .. 188 .. 295
|
Anmelden
