@insomnia
oh nein! das tut mir aber leid! wie gehts dir "inzwischen"?
ich hatte sooo angst, dass ich eine ss-diabetes habe, als ich den blutzuckertolleranztest machen musste, bin ja noch übergewichtig und gehöre somit zu etwas erhöten risikogruppe.
jedoch kann es in der ss wirklich JEDE noch so gesunde frau mit bester abstammung preichen, man weiss es nie. ich wünsche dir, dass du es nicht so stark hast und trotzdem noch einbisschen essen darfst was du magst. hoffe das kommt noch einbisschen gut für dich!


@michi
aah hör auf, auch ich denke die letzten tage gespannt an cosmologia! uuh bin gespannt!

bänderzerrig? ohje, also hesch öpis gmacht wies sowit cho esch?
jä mer gohts guet :) klar, weh wehli bis an bach abe. aber grondsätzlech doch alles öberbröckbar, es chond liecht am ändi vom tunnel! ^^ no (ca.) 43 täg!
bi üs esches emmerno es meitli. das hed mer t FA grad am DI weder bestätiged.

@trixx
i han ab de 22. ssw (glaubs?) 80% ahfoh schaffe, well min buch esch die ganz zit hert worde ond has eifach nömme möge verlide, han aber au en schwäre job, wonni de ganz tag stohne ond laufe ond vell muess schwär löpfe.
denn hani emmer meh schmärze becho met de symphyse... wers mol gha hed weiss wie das chann sie, hei hed daaaaaas weeeeh toh. ond emmer schlemmer. (bi stoh ond laufe, super met mim job!! ) fazit = symphyselockerig = 100% chrankgschrebe. för mis ego natürli en rächte istecker gsi. im noch hinein beni dankbar. das wär denn ab de 28. ssw de fall gsie.

• Zitieren

So bin grad vo de Bluetzuckermessig zrug cho und han leider schlechti Nachrichte. Min Nüechternwert isch wieder "so schlecht gsie" (emel für e Schwangeri), dass ich nödemol de Glukosetest han möse mache, will s Resultat eidütig isch. D FÄ hets eso usdrückt: "me müend sie behandle wie öber vo Diabetes het" um nöd zege möse ich hans!! Han mi ja chli druf vorbereitet, aber bin doch scho chli gschocket. Vorerst mueni jetzt id Ernährigsberatig und täglich Bluetzuckermesse. Chan mir das so gar nöd vorstelle.

Es isch eifacht SEHR ussergwöhnlich, will ich 1. no früeh i de SS bin und 2. absolut nöd prädestiniert und 3. doch eher für e SS-Diabetes "starki" Symptom han (Starke Durst und Harnwegsinfekt). Me vermuetet jetzt, dass de Diabetes chönd bliebe oder ines paar Johr sich chönd entwickle. DAS findi fast s Schlimmste a de ganze Sach.

Bin scho chli trurig

Eine tiefe Beziehung kann nur halten, wenn sie täglich neu begonnen wird.
*** 11.11.2011 ***

• Zitieren

@insomnia: oje, das tut mir sehr leid! würd dir sehr gern hälfe...

hoffe i säg nüt falsches, aber, du wirsch dich dra gwöhne... klar isch es e grossi umstellig, aber irgenwenn wirds völlig normal. min chef hät diabetes und e ex-wg-kollegin...

tröste dich am gedanke, dass d diabetes "chönt" bliibe, das heisst es muess nöd si...

s tuet mer so leid, das truurig bisch...

@sheilyn: oh, das tönt au nöd toll... ohni schaffe häsch die schmerze aber hoffentlich nüme?

@me: bi glaubs eifach z übermüeded... riss mi wieder zäme...

Wünsche eu alles gueti und viel chraft!

• Zitieren

Hallo!

Han also immer scho passiv bi eu mitgläsä und mitgfieberet! Jetzt isch es so, dass ich aktiv mitschriebe chan. Die kritisch Ziit isch zwar nanig verbi, aber mir händs trotzdem scho dä enge Verwante gseit und ich han mich ja bi dä Bräute 2012 scho goutet

Ich bruch mal dä Rat vo dänä, wo schwanger ghürate händ. Ich han ja mis Chleid im Oktober kauft. Es isch det recht eng gsi. Jetzt han ich 10kg abgno, d.h. jetzt passts optimal. Bis im Mai wird ich aber wahrschindlich scho en Buch ha, wenn nöd au suscht zuegno ha. Jetzt hani geschter mis Chleid is Gschäft bracht und gfraged was mer chöng mache. Sie händ mir chum Muet gmacht. Uslah chan mers nur 4cm... suscht müesst ich en Spickel inähe (was mer wür gseh) Zudem händs mir gseit, ich müessi Träger as Chleid mache, suscht segis ganze Gwicht ufem Buch - isch das so?

Bin chli frustriert. Ich möcht keis neus Chleid chaufe, han schliesslich MIS Chleid gfunde!
Nebst dä grosse Freud isch das doch alles chli stressig, da mir vieles müend umplane!

Han ja im Oktober ä Wiiterbildig planet, zudem grad afangs Jahr en neue Job agfange. Die händ gar kei Freud und lönd mich das recht gspüre!

Hoffe ihr händ mir es paar Tips wegem Chleid, bin nämlich echt ratlos....

lg, layonie

• Zitieren

@sheilyn, plant hani au anderst
ET isch 5.9.12, im Mai wäri gaub i dä 22 Wo...ungefähr.. ich weiss das mitem Buch chan mer nie sägä und ich weiss ja au nöd, ob ich suscht no usenand gange. Ich gah mal en Monät voher namal mitem Chleid verbi zum luege und suscht muess ich hald es neus chaufe. Ich glaub eifach nöd, dass ich mis Chleid privat irgendwie chan verchaufe...

Leider bin ich i dä Probeziit und da ich en Job han, wo mer teils Sache i dä Schwangerschaft nüm dörf mache, han ichs müesse sägä. Sit em Glichstelligsgsetz dörfets wäg Schwangerschaft nöd chünde, aber sie chönd ja eifach en andere Grund agäh und dänn chan ichs eh nöd bewiise.
Isch alles grad chli blöd bim schaffe. Sie händ hald null Verständnis und lönd mich das gspüre...
Jänu, irgend ä Lösig gits scho!

lg

• Zitieren

sheilyn, mit em Verhüete häsch du absolut recht. Mir freued eus jetzt au sehr!
Wieso isch dänn die 22 Wuche guet, wenn dä Buch vorher afangt gross wachse? Verstah ich jetzt nöd, ich wett ja das er ersch nacher wachst

Ich schaffe i dä Pfleg mit Chemotherapie, und die Medikament chönd höchst schädigend sie fürs Chline wenn öpis wür uf mini Hut chämti. Ja drum sind mir verpflichtet (zum Glück als Schutz vom Chind) dass am Arbetsgeber zmelde!
Ich glaub scho dass ich vorläufig chan bliibe, ich nimm a, sie mached mir en neue befristete Vertrag. Han mir jetzt rechtlichi Unterstützig binärä Muetterhilf-Organisation gholt. Han mich zersch würklich mal müesse informiere. Eifach so setzt mer sich ja nöd mit dere Materie usenand.

lg und guet Nacht

• Zitieren