@ellie: noch einen hinweis. wie nimbini gesagt hat, in der kirche zu heiraten ist nicht beso teuer. wir bezahlen gerade einmal 150 chf für die kirche, die pfarrer möchten keinen "lohn" und die blumendeko verwenden wir wieder am abend. die musiker haben wir sowieso den ganzen tag gebucht (sie spielen auch auf der orgel).

im vergleich zu einer freien trauung ist es sogar ein schnäppchen. denn bei einer freien trauung nimmst du entweder eine kappelle (es gibt ganz wenige, in welchem man das machen kann) oder stellst dir irgendwo ein zelt auf und das kostet. möchtest du jemanden buchen, der die trauung hält, kommst du für ihn schnell auf 1500 chf. dann brauchst du mehr blumenschmuck um eine schöne atmosphäre hinzukrigen etc. etc.

um auch noch das rationale im hinterkopf zu haben ;-)

• Zitieren

Dieses Thema finde ich selbst auch hochinteressant und möchte meine Ansichten hier kundgeben :).

Für meinen Mann kam es nicht in Frage in einer Kirche zu heiraten. Dafür gibt es mehrere Gründe. Der Hauptgrund war, dass wir wirklich nichts mit der Kirche zu tun haben und gerne in der freien Natur sind.

Die anderen Gründe sind teilweise etwas hart und ich möchte niemanden angreifen oder in ihrem Glauben erschüttern.
Ich habe eine andere (wenn auch reformierte) Konfession und wurde aber von zwei Extremen erzogen: meine Grosseltern mütterlicherseits sind HOCHreligiös, mein Vater ist Atheist. Als Kind steht man nun dazwischen... Seit ich zuhause ausgezogen bin des Studiums wegen, konnte ich meine eigene Meinung bilden. Unsere Religion ist die Wissenschaft.
Zusätzlich habe ich einige Länder bereist und einige Kirchen und Religionen gesehen. Mich widert es an, wenn ich vor den wunderschönen, grossen, pompösen Bauten stehe, die mit Geldern der armen Gläubigen finanziert wurden. Ich sehe nicht ein, wieso man solch riesige Kirchen mit teuren Verzierungen bauen soll, wenn die, die dafür bezahlt haben leiden müssen. Je schlichter die Kirche, desto besser gefällt sie mir persönlich...
Religion und Glauben nützen dem Menschen, er braucht das. Aber ich bin dagegen, dass des Glaubens wegen in den Krieg zieht. Für mich ist das völlig unverständlich.

Was Carmile zur freien Trauung sagt, kann ich nur bestätigen. Es kostet doch sehr viel mehr, braucht viel mehr Planung, aber dafür muss man nicht in den Ehevorbereitungskurs

Ich habe jetzt wahrscheinlich eine Lawine ausgelöst... Mich interessieren eure Antworten...

Lg

##Zivil am 10 Juni 2010 -- Trauung am 10 Juli 2010##

• Zitieren

hey cosmologia

zum thread a sich möcht i gar nöd viel sägä. i finds fast zu kompliziert für es forum, zum das richtig chönne usdiskutiere. aber no was zum ehevorbereitigskurs..mer hend de nie möse mache, wobi i vomene kolleg ghört han wo begeistert gsi isch dävo. i het ihm nie geh dass er freiwillig eine macht :-) aber er hät gfunde es seg wie de tanzkurs, näbis für eim als paar, wos nöd um schnickschnack deko etc. goht, sondern um eim selber und das heb ihm guet tue ide ganze vorbereitigszit.

üsi pfärrer sind sehr locker druff, was i super agnehm find und sie legget sich so is züg für e schöni trauuig, dass mi total druff freu. uf ihri predigt, ufde bitrag vo mim beste fründ, ufd fürbitte vo üsne helferlis und uf di toll musik. für üs stimmts so. aber ebe, me möchti däzue nöd sägä. sthema religion hät i üsne verwandschafte fäng scho halbe zu krieg gführt und i bins drum langsam chli leid. es isch eifach zu kompliziert.

grüessli

• Zitieren

I möcht mi mol zum Thema Ehevorbereitigskurs üssere :)

Und zwor isch mini Situation eso.. tönt chli altmodisch... ;) aber ich werde mit mim verlobte ned zämezieh bes zude Hochzit.. Mer hend also denn no kei Ahnig wies isch zämezwohne usw... und mir hend eus FREIWILLIG ;) gad noch dem dass mir üs verlobt hend, es Päärli gsuecht vode Chile und mit dene machemer iz en Ehevorbereitigskurs. Und das esch alles andere als langwilig.
Die gänd eus Themene vor, wo mer eus demit tüend befasse, diskutiere usw.. und wenn mer si träffed tüemer au no zäme dröber diskutiere. wenns pünkt git womer merkt dases chönnti problem gäh, tüemer das mega met ehne aluege. Und mir hend dur de Kurs würkli scho sseeeeehr viel überenand glernt-glernt alti dänkmuschter ablege-de ander usere andere sicht aluege. über konflikt, kommunikation usw...
Und mir finded halt, es isch ide hüttige ziit sehr wichtig id ehe z investiere (vorher und nochär) -well das jo föres ganze läbe esch. und lieber zit id ehe investiere als i anders! und drum isch das für üs sehr wichtig-äbe well mer au scho gseh hend-wie mega guet dä ehevorbereitigskurs üsere beziehig tuet!
mir kenned vell päärli wo das au mached-au freiwillig! und bes iz hani praktisch nur positivi feedbacks ghört! --usserdem weissi halt ned wies isch wemers bimne pfarrer macht- üsi kollege hneds alli bimne pärli gmacht.-wo halt praktischi bischpel hend chöne wiitergäh und eim begleitet hend.


also absolut empfehlenswert :)

• Zitieren

Jo jede het sini meinig und das esch jo au super eso :)

Weisch idem kurs gots ned drum zom dröber rede:
1. wie gseht de alltag us
2. wie tueni wösch wäschte usw :D

esch äbe dur das es ehepaar esch mega praktisch.. und wärde mega grondsatz-froge aglueget und diskutiert.
i findes super :) und i dänke dass s zämeläbe klapet bruchts sicher paar grundsätzlichi sache wo mer sich bewusst sii muess-und di denn vellech im ehealltag uf zmol merkt-ah jo stimmt das hemer doch scho mol ghört ;) und das send ned mol praktischi sache wie huushaltstipps ;) so sache lehre mer überhaupt ned :) würdi au ned welle ;) .. sondern sache wo d haltig em andere gägeöber agoht. was heissts würkli-de ander z ehre und z achte? wie gosch mit situatione um wo du din partner öberhaupt ned chasch onderstütze-aber du ehm versproche hesch dass zu ihm stohsch i guete UND i schlächte zite...
was het d herkunftsfamilie fören stellewert.. usw ;)

z.B dur das thema herkunftsfamilie gsehn ich veli sache be mim verlobte uf zmol mega andersch-wellis iz usere andere sicht aluge.

huuu be euch esches iz de au glii sowiit sheilyn ;) no völlig ruhig?? ;)

• Zitieren

Die Diskussion isch ja ez uf de Ehevorbereitigskurs glenkt und nöd so ganz bim Thema. ABer, es isch au e sehr interessants Thema.

Ich und min Maa händ en ähnlichi Iistellig wie dsheilyn. Mir wohned siit meh als 3 Johr zäme, sind einisch zäme in e neui Wohnig züglet und händ dVorbereitige mehrheitlich ohni Striit hinder üs brocht. Mir kenned beidi üsi Stärchene und Schwächene und chönd guet mitenand rede. Mini Meinig isch, dass mr de ander so behandlet, wie mr selber behandlet werde möcht.

degre, eui Entscheidig erscht nach de Hochziit zämezziehe findi sehr muetig. Dur dini Beschriibige bini sicher, dass ihrs guet werdet ha mitenand. Theoretisch sötted ihr bereit sii defür, ihr müends nur no id Tat umsetze, was würkli nöd immer eifach isch! Ich hätt das nöd chönne. Ich wött wüsse, wie sich min Maa verhaltet, wenn er allei isch bzw. zzweite. Für mich isch das e wichtigs Kriterium xi, dassi ihn überhaupt ghürotet hät. Ich han einigi Mitbewohner (nöd -inne!) ka währedem Studium und ha gwüsst was mi erwartet. Zuedem hani uussegfunde was mir passt und was nöd. Das isch für mich richtig xi.

@sheilyn: guete Schlussspurt! Es wird schön...

Lg
##Zivil am 10 Juni 2010 -- Trauung am 10 Juli 2010##

• Zitieren