nicht registriert

Hallo liebe Mädels- jetzt steht die letzte Nacht an und morgen bin ich meinen Freund los

Danke euch allen fürs Teilhaben- bin immernoch nicht nervös Freue mich einfach riesig!
Morgen werde ich noch bis Mittag arbeiten und dann gemütlich nach Hause und mich parat machen.
Um 17.30Uhr ist dann die Trauung. Nur mit unseren Eltern, Schwestern und Trauzeugen!

@ Belle und Schlumpf: Lehre als DA und Weiterbildung PA GLG Livipivi und ich werd eu den brichte wies gsi isch und ob ich doch mal na s Flattere becho ha!

am 21.3.04 sind wir 7 Jahre ein Paar, am 11.4.11 werden wir zivil heiraten und am 07.5.11 werden wir uns vor Gott das Ja-Wort geben.

• Zitieren

hallo livipivi!!

wünsche dir alles gute für dein ziviler heute abend!

liebe grüsse


**** zivilen: 12.08.2011 **** ***** kirchlich: 20.08.2011 ******

• Zitieren

Liebe Livipivi

Auch von mir alles Gute für euer Ziviles heute Abend!

Lg Palchen

@-->-- Zivil 20.05.2011 --- Freie Trauung 28.05.2011 --<--@

• Zitieren

Uiuiui, dann hat es jetzt wohl gerade angefangen!?

Wünsche Euch eine schöne Trauung und dann in ein paar Minuten alles, alles Liebe für Eure gemeinsame Zukunft als Ex-Freund und Ex-Freundin
Dafür neu als Mann und Frau

• Zitieren

nicht registriert

Liebi Ladys

Es isch en uuuuuuhhh schöne Obed gsi gester! Es het alles vo A-Z gstumme. Mir sind im chline Kreis is Standesamt wo direkt am Zugersee isch. S Wetter het perfekt zu üsere sonnige Stimmig passt.

Mir sind beidi die ganz Ziit überhaupt ned nervös gsi, es isch eifach uuu schön gsi und mir hend üs riesig gfreut. (mir heged mit de Sonne um d Wett gstrahlt)

Mir sind vo üsne Trauzüüge abholt worde und hend mit ihne vor em Amt gwartet, nach ca. 5min. sind üsi Eltere und Schwöster mit em eine Fründ um de Ecke cho und es het mal es grosses, grührts Hallo geh und natürlich Fotos.

Denn isch üsi Standesbeamtin cho und het üs inebette. Mir sind grad im erste Stock gsi imene schöne Sääli.

Mir hends vo Afang a lustig gha, d Obedsunne het mega inegschuune und mir sind ganz Schlitzäugig det gsesse, aber es wär mega umständlich gsi a dem Barockhuus d Läde abeloh und mir hends ned so schlimm gfunde, d Standesbeamtin het nur gseit mir gsäched so lustig us mit üsne Schlitzäugli.

Nacher het sie agfange miteme Gedicht, während desse hend mir hinder ihre usem Fenster üse Göttibueb mit Familie gseh mit eme huufe Ballön z laufe cho. Denn hend mir mal e Winkpause igleit und grad gseh das ihne nienets recht gsi isch wells üs hend welle überrasche!

Ja denn het sie verzellt wie mir üs kenne glernt hend und was mir a üs gegesietig schätzed, mega schön. Sie isch irgendwie au echli nervös gsi- einisch het sie de Nachname vo mim Schatz falsch gseit- denn hend mir wieder müese lache

Ja und denn het sie üs die entscheidend Frag gstellt- mir hend beid lut JA gseit und komischerwies han ich keis Tränlli müese verdrücke- has eifach nur schön gfunde und bin happy gsi.

Nacher hets namal es mega passends Gedicht geh und denn hend üs all gratuliert. üsi Müettere und Schwöstere hend defür echli Tränlet- mega herzig!

Wo mir useglaufe sind sind denn na ca. 10 anderi Lüt (die hend mir ned gseh gha) dusse gsi und hend üs gratuliert und chlini Gschänkli geh, mega herzig. Hend vieli Fotis am See und imene Bluemebeet gmacht und mit allne wo dete gsi sind.

Nacher hend mir üs verabschiedet und sind mit üsne Familie und Trauzüüge is Resti go esse. Italienisch und jede het selber zahlt- ussert d Trauzüge, die sind iglade gsi

Min Maa ( ! ) het ja au na Geburi gha und het es paar Gschänkli becho und am spaate Obed sind mir denn alli zfriede und Glücklich hei. Minä Schatz het x-mal gseit ja gell mini Frau und zu minä Eltere x-mal Schwiegermueter und Schwiegervater und de Schö die ganz Ziit Schwägerin. Glaub er isch mega happy und Stolz. Und ich au. Isch eifach unkomplizier und perfekt gsi für üs.. Genauso han ichs mir gwünscht!

Danke für alli wo a üs denkt hend- mer het die guete Gedanke richtig gspüürt!

am 21.3.04 sind wir 7 Jahre ein Paar, am 11.4.11 werden wir zivil heiraten und am 07.5.11 werden wir uns vor Gott das Ja-Wort geben.

• Zitieren

hoi livipivi:
wow - da heimer ja nid lang muesse ufne bricht warte!! mega schoen hesch das zaeme gfasst!!

genau esone unkomplizierti trouig wuensche mier ues o!!!! es darf gaern o mal glachet waerde :-)

haerzliche glueckwunsch und alles gueti fuer eui zuekunft!!!
gruessli
elchalten

• Zitieren