Hallo Brüt

Gärn teil ich min wunderbar Hochzytstag mit öich:

Fritig, 29. Mai 2009: es isch z’Nacht em 23.30 Uhr u üsi Gäscht wie eifach nit hei… Endlich, am 01.30 Uhr liggemer im Bett… aber nit lang ;-)

05.30 Uhr es isch sowyt =) Panik, Vorhäng uf, was isch für Wetter???? Stralend blaue Himmel… so sötts sy.. wider für es paar Minute ab is Bett…

Ich ligge hell wach und meega häppi ich mim Bett, und chan vor Vorfreud kum no warte was uf mi zuechunt… zerscht gönn ich mir es Cafe u nachene en usgibi Duschi… am 06.45 mach ich mich ufe Wäg zum Coiffure… ganzi 1 ½ h hani mi la verwöhne und Mädels ich sägs öi, d’Frisur isch eifach dr Hammer gsi so, es isch 08.30 und ich han jetze genau no 30 minute bis es wyter ghat.. die Zit han ig gnosse… eifach usem Fenschter luege u d’Gedanke lo flügä…

Es Lütet ah der Türe u mini Kosmetikerin chunt mi go abhole… gmeinsam machemer üs ufä Weg zu minere Trauzügin.. Langsam wird’s ernscht. Au s’Make-up isch eifach super… es bin immer no ich, u nit en Maske. Los, witer gheits… s’Chleid wartet, will in 30 Minute gheits los

Fertig ahgleit, mache ich mich ufä Weg is Parterre wo min Chauffeur wartet… s’einzige wo er gmeint het isch: wow… „da bini aber grad rot wordä“… Gmeinsam fahre mir uf üse Berg (da mir Puure tüe, heimmer ufäm Berg Land) döt wartet min Maa inmitte vomäne Weizefeld, mit mim Brutstruss… han scho muesse ahfange weine… so schön het er usgseh: en dunkel brune Ahzug. En Traumma, nei MIN Traumma…

Ich stige usem Auto us, u laufe uf min Maa zue… dä Moment isch eifach magisch gsi… ken Lärm, ke Auto, nume mir zwie… Mitemene dicke Muntsch u „Schatz du gsesch eifach traumhaft us“ het min Maa mich in sini Arme gschlosse u gfühlti 1000 Stundä nüme los la… aber es si doch nume 10minute gsi… u da isch üse Fotograf scho uf dr Matte gstande, mit üserne Trauzügä… Vom 10.30 – 12.00 heimer Foto’s gmacht… isch schön gsi u d’Föteli si dr hammer

Am 12.15 Uhr simer bi dr Chile ihtroffe und au döte hämmer dr Moment gnutzt u no einigi Föteli gschossä… u dän am 13.00 Uhr ische eso wyt d’Hochzyt startet…

Bim inelaufe hemmer üs fescht müesse hebe.. es isch en sehr emotionale Momant gsi. Dr Pfarrer het üs zu üserene Plätz begleitet u d’Zeremonie het chönne beginne… als Überraschig het es 6-Chöpfigs Jodlerchörli üsi Lieblingslieder gspilt (George, Hie bin i deheim und Ewigi Liebi) Träne si nume so über üsi Bagge gloffä…

Es wird immer in üsere Erinnerig blibä… Üsi Blueme-Chind het üs zum Chileusgang begleitet… wo d’Türe ufgange isch, hemmer üserne Auga kum trauet… Spalier vo das Auge hinreicht.. Turnverein, Musig, Fasnachtsclique.. etc… Am Ende vo däm Spalier ahcho, sind au scho alli parat gschtandä zum üs gratuliere… unzähligi Müntschi heimer verteilt, Tränli vergosse, Umarmige becho… Einigi Föteli heimer den direkt bir Chile gschossä 

D’Gäscht machet sich ufä Weg zur Apéro-location mit em Car. U mir? ... 2 Teil folgt bald

Euri Leny

• Zitieren

Wir wollen mehr, wir wollen mehr

Es isch immer so schön vo jedere Brut ihr Story z'läse

Härzlichi Gratulation!!!

• Zitieren

ou ja tönt ja würklich wäuts schön u romantisch.......... ou ja Fotos?
mir hürate am 02.05.2009

• Zitieren

... Teil 2:

Mir bechömet en wunderbare Oldtimer wo üs dervo bringt… Nei, nit direkt zum Apéro… sondern no es Türli damit mir die erschte Minute (fasch 45 Minütigi Fahrt durch’s Seeland) gmeinsam chöi gniesse u s’erlebte verarbeitä ….

Bir Apérolacation ahcho, werdemer vo allnä Gäscht begrüesst u d’Musiggsellschaft spilt uf… Mein Gott es het Lüt kha!!! S’Joderchörli vor Chile isch au mitcho, u Jodlet eis nachem andere… d’Sunne schint uf üsi stralende u überglückliche Gsichter… s’Kompliment: wow, du gesch so wunderschön us! Hani so richtig in mich inegsogä… d’Lüt hei eim eifach nit wella la gah.. döt es Schwätzli, ds nögschte Münthschi, en Umarmig, Glückkwünsch.. mer wird regelrecht überrollt u chan sich vor Glück khum meh bewegä …

S’Apéro eröffnet het mina Maa mitemene Megafon!!! Grund: fu dä 240 Ahgmeldete Apérogäscht, si öppe 320 cho! Mir hei 0 Überblick kha… u s’Büffet isch rübis u stübis leer gsi… zum Glück si üsi Catering-Lüt so flexibel gsi und hend immer nochäproduziert u nachegfüllt… d’Baar mit dä Getränk isch uf hochtuure glüffe… und überall wo dä hereluegsch, glücklichi Gsichter und Mensche am Lache (wie mir hüt wüsset si über 180 Liter Bier konsumiert wordä WAHNSINN!!!)

Natürlich hei sich d’Vereine oder oh d’Budä nit la lumpä u no so s’einte oder s’andere parat kha… zersch isch d’Bude vo nimem Maa dranne gsi.

Mi Schatz het müesse en Baggerschuflä fertig montiere (hihi u alli lueget zue) so en Chrampf! Nachene hetter müesse üses Hochzytsgschänk mit hilf vo Hammer u Meisel befreie.. uiui nomou sonen Chrampf.. u zum Schluss heisi no welle wüsse wird d’Hose anne het ir Ehe u meh Chraft… Mir hei müesse en Baggerzahnwitwurf mache… ich gibes ja zue,s’ isch nit fair gsi.. aber wenn isch’s Lebe scho fair mine het öppe 2kg kha u dä vo mim Schatz öppe 20kg.. hihi wer isch echt wyter cho???

Ahschlüssend het die obligatorisch Fotosession mit allne geh! Dauergrinseh, khan jo sooooo ahstrengend si  aber es het sich glohnt… (ah dere Stell, leider heimer kes Online Portal vomär üsi Föteli chan go luege.. wenn öpper wott wüesse wiemer usglueget hend,  gebet mir öichi Mail adresse u ich schigge es Foto)
Nach em Fötele het sich d’Musiggsellschaft gmolde, si wellet itze üs au mol lo schaffä… Min Maa het dörfe Dirigiere u ig han chönne Chesselpouke spile… witzig! Trotz null-musikalität hets bi mir auso nit schlecht tönt *aber das hetti jo jede behouptet ah dem Tag*

Zyt für üs, oder gar Zyt zum esse hets leider fascht nit geh, will jed het welle s’einte oder andere Wort mit üs wechsle… langsam wird’s Zyt zum witerzie… das isch s’Stichwort für’s Brutstrusswerfä gsi… Teil 3 folgt ...

Euri Leny

• Zitieren

sali leny
oooooooooooooooooh schwärm das hört sich wunderschön ah herzlichi glückwünsch!
I wür mi über es Foti freue

liebi grüessli

• Zitieren

es Föteli

so... ändlich hani usägfundä wie das gheit... das währ also mi Maa u ig


(Teil 4 chunt dän morn)

Euri Leny

• Zitieren