Merci vöu mou!
Es chonnt secher guet. :)
Es het mi nome grad im erste Moment chli gschockt.

• Zitieren

Jö, Any, das duet oh mega leid mit dire Schwoscht! Wünsche ihre gueti Besserig!

• Zitieren

Hoi zäme!

Ech chome momentan absolut ned dezue, im Forum z schriibe oder ergendöpis för s Hochsig z mache. Ech be am Schaffe ond mer hend iez scho Hochsaison met de Fasnachtskleider (Nähatelier) ond privat louft ou no grad sehr vöu.

Aaaaber e chlii öppis hemmer iez weder gschafft. :)

Ond es goht nome no 99 Täg!
Mer hend no gmacht:

- Gspröch metm Fotograph: Esch ächt toll gsi. Het no paar Idee gleferet. Hender ou sone Fotirahme, wo d Gäscht chöne Föteli mache?

- Gspröch met Trouzüüge & Tätschmeister: De grobi Ablouf esch feschtgleit ond s wechtigschte wösse si iez. Ond si send soooo genial, si möche hendedore mega vöu.

- Öberraschig för mi Schatz organisiert: Es schöns Outo för am HZ. Hend zersch s eigete welle näh, wöu öis sOuto ned so wechtig esch, aber er werd sech wahrschiinli iez omso meh fröie. :)

Das wärs eigentli scho. Ond ech sett no sooooo vöu mache, aber erdendwie hani momentan chli e Dörehanger...

• Zitieren

Grüezi zäme

Wie der merkid, beni noni verscholle. Aber emmer no vou am Vorschaffe för s nöchste Semester. Muess weder mi Läbesonderhaut för 12 Woche vorschaffe. :)

Gliich mou es Update zo öisem Hochsig:

- Mer hend öises Bluemekonzept öbere Huufe gworfe ond wäredet iez aues in rot & wiiss haute, so wie scho d Charte send. Es esch eifach edler ond ergendwie passt de eifach aues super zäme.

- Ech ha mer d "Zuetate" för d Gaschtgschänkli bstöut ond i zwe Woche chas losgoh met Baschtle.

- Öisi Trouzüüge hend d Idee gha, no en Art Jonggselleabsched met beidne Familie ond de ängschte Kollege z mache. Eifach e gmüetleche Obe alli zäme hocke ond sech ofs bevorstehende Hochsig fröie. :)

Soo, das wärs mou. Vöu meh gets momentan ned z säge.

• Zitieren