Hallo Blumenfee

Ich habe gerade gelesen, dass ihr nicht so Glück hattet mit dem Catering. Das tut mir leid, klingt alles nicht so, wie man es gerne haben möchte... Ich hoffe ihr habt bei denen reklamiert und einen Preisnachlass erhalten.

Aber eure Fotos sind super toll! Mega schöne Bilder und du warst eine wunderschöne Braut Kompliment!

Alles Gute für die bevorstehende Geburt und ein schönes kennenlernen mit dem kleinen Prinz.


Liebe Grüsse

Saerli

• Zitieren

Liebi Bluemefee
Wow soooooo schön!!! Han ersch jetzt din Bricht gläse und die HAMMERschöne Föteli aglueget! Ier sind sone schöns Päärli und die chline sind eifach Zucker! Und die megaschöni Deko... chas nöd anders säge: HAMMER!! Schad das nöd alles so klappt hät wie planet.
Alles gueti eu füf, und dir ä schöni Restschwangerschaft.

12.5.12 - Just WOW!

• Zitieren

WOW, Blumenfee. Ich han dini Föteli und Bricht erst etz xeh und bin total überwältigt! (Das mitem Catering natürli usgschlossä...) Euri Deko und alläs sind eifach MEGA! Wünsch eu au alles gueti und dass dä Rest vo dinerä Schwangerschaft guät verlauft und natürli au d Geburt!


19.05.2012 It's you and me till the end of time.

Zuletzt bearbeitet am 23.05.12 16:30

• Zitieren

Liebi Bluemefee

Es wunderschöns Bild!! Han dier ja uf FB scho es Kompliment gmacht drfür. Gsehsch mega glücklich us!!
Wünsche der en ganz schöne reste vodr SS und en schöni Geburt!! Heb Sorg und machs guet!!

Liebs Grüessli

hend e wunderschöne 2. Juli 2011 gha - eifach unvergesslich -
und am 19.6.2012 wird üses Glück vollständig

• Zitieren

Da ja glich ab und zue äs paar ''alti Brüüt'' () hie ine luege, möcht i öich üses grosse Glück ou eis zeige

Am 20. Juni isch üse Prinz uf d'Wält cho leider isch si start its Läbe nid grad eifach gsi, sis Härz het eifach ufghört schlaa, ä viertelstund heter ke Suurstoff gha u si heine ä Stund lang reanimiert......

Nachdäm är entliche stabil gsi isch heisne miter REGA uf Bärn its Inselspital uf d'Intensiv bracht, o da heter sech gäge d'schnuufe gwehrt u het eifach nid sälber welle.

Si heinim eigentlech ke chance gä aber üse Bueb het 3 Täg speter aber dr Läbenswille z'rügg gwunne u het kämpft wine Löi, jetz 3 Wuche speter simr scho daheime us s'geit ihm sehr guet!! Niemer het dänkt das är das i so churzer zyt so wäg steckt.

Ober ä Behinderig drfo treit het chame jetz no nid säge aber das isch für üs grad gar nid wichtig mir si eifach so dankbar das är sech für üs het entschiide u zrügg its Läbe isch cho...

mit foller stolz möcht i öich üse Sohn dr Janis vorstelle




Hie chöme sini stolze Maas doch richtig zur gältig; Geburtsgwicht: 4870g, Grössi 55 cm u 38 cm Chopfumfang





Liebi Grüess Bluemefee

• Zitieren

Liebi Bluemefee

Uiii es tschuderet mi grad weni din Bricht läse ond d Belder vo euchem Janis aluege.
Ich wönsche euch alles guäti ond hoffe, dass sech de Janis wieter so gute erholt.

Alles Liebei Glöggli

• Zitieren