Liebi Blumenfee, i wünsche Dir u Dire Familie ganz viu Chraft ou serigi Momente züberstah u nöiie Muet zschöpfe u das Dir aus Familie irgendwenn ohni Angst chöiit uf di schwäri Zyt chöiit zruugluege!!

• Zitieren

@Bluemefee, das chan`i guet nahvollzieh - mir si sächs Tag nach dir am gliche Ort gsi
Vorhär hei GG und ig immer d`Meinig gha, wes mal öperem vo üs öppis git - ja nu so de... mir hei ds Läbe usgnützt u de würd haut das wo zrügg blibt siner Tröim verwürkleche, wo itz nid müglech wäre.
Itz isch aues angers...
I hoffe für di, dass die unschöne Erinnerige mit dr Zyt verblasse u vo de schöne Erinnerige/Erläbnis mit em Janis überdeckt wärde!

• Zitieren

Auso mit em gliche Ort - das han`i wortwörtlech gmeint... So wien`i das gseh hei d`Bluemefee un`ig im gliche Spital gebore!
Ja mir hei o chly Startschwierigkeite ka, aber zum Glück nume churz u nid dramatisch (ömu im Nachhinein)
I ha nume e versch... Schwangerschaft gha - viu Stress uf dr Püetz, e ignorante Chef u i ha weder uf mi Maa no uf d`Hebamme glost. Tja, es wär viles z`verhindere gsi u das het mi gad chly igholt.

U da hie so vil Lüt si, wo o mal wette Mami wärde:
Tipp vo mir: Löt öich mind 3 Wuche vor ET ganz la chrank schribe, o wes euch körperlech vilich guet geit. Uf jede Fau nid uf em letschte Drücker schaffe! Psychische Stress/Druck tuet em Bebe nid guet u cha o Indikation für e Früehgeburt si. (Das han`i dr Hebamme äbe nid so rächt wöue gloube)

• Zitieren

So ihr liebe, sisch wiidr ä hüüfe zyt vergange, ha nur schnäll welle mitteile dases üsem Bueb blendend geit!! är sekt dä ganzi Chrampf super wäg <3 Jetz mit 5 Mönet ischer Körperlech total normal entwicklet, wis Geischtig si wird wüsse mr ersch i 3 Jahr.... aber zur Zyt machi mr da gar keni Sorge, är isch eifach für Sich perfekt u wi di zwöi Grosse d'schönschte Gschänk fo üsere Liebi

Ach när git no witer news I weis Wärbig isch hie nid erloubt AAAAber i mueses öich eifach mitteile. Ha mi OnlineShop eröffnet, villech luegeter nechs mal a, fröie mi über öiies Feedback <3

www.natur-pur-shop.ch

Wär doch o äs härzigs Gaschtgschänkli oder nid hehe

Ganz liebi Grüess u ä tolli Zyt u natürlech löschi dr Link wes öper söt störe!!

Lg Heidi

• Zitieren

Hoi Saerli

Merci vil vil mal <3 s'wird de no einiges drzue cho...

Ja gäll so richtegi Buurechind halt ;-) da heimr grad züglet mit de Chüeh uf d'Weid u si si natürlech unheimlech stolz wesi o mit dörfe

Liebs Grüessli

• Zitieren

Genau, du wirsch eh nie wüsse was mit dine Chind passiert. Si chöi öu chärngsund uf d'Wäld cho u ufem Wäg id Schule passiert öpis.......

Sisch ä sehr strängi zyt gsi für üs, eifach wils eim z'wichtigschte vom Läbe cha nä, üsi Chind aber äs het üs als Familie o enger gmacht!

Haha i ha no hüt angscht vor üsne chüeh!! Aber z'Landläde an sich finde mir alli Super chönts mr gar nid anders vorstelle




****www.natur-pur-shop.ch****

• Zitieren