hey vivala

jo isch es cools kleid, zerst isch es mer noch em kauf fast zu extravagant gsi, aber jetzt freu mi druff. va. wenns de hoffentlich schön warms wetter isch.

zivil gross..hmm..chunt druff a was gross isch. sind mit üs 14 persone. im schloss arbon am see unte, sind au all die lüt bide trauuig däbi und nochher gönd mer go zvieri esse mit käs und fleischplättlis, wi, kafi und kueche. ganz gmüätlich.

am morge gangi no zum coiffeur, schminke tue mi aber selber. struss hani keine, obwohl sonen wisse liliestruss wär no schön gsi :-)

grüesslis

• Zitieren

Mir isch dasselbe wichtig xi, alles mit Engagement und Köpfchen und nöd so wie sie ihri Hochziit mache würdet, sondern was passt zu mir bzw. zu üs. Ich han au sehr vil glernt bi de Organisation und würd meine, dassi die Ufgobe guet für öber anders chönt mache. Ich bi tatsächli öber wo schnell merkt, was öber will und zwor eigeni Idee und Kreativität mitbringt, aber alles im Interesse vom Gegenüber. Sisch würkli nöd en eifachi Ufgob und mengisch verlangi zvil vo anderne. Wenn öbis nöd guet isch, cha mr aber immer mit mir rede. Das isch ebe de Unterschied. Aber naja, es klapped eh alles und es chunt guet :)

Mis Team und ich händ ebe scho als Team uf dPrüefige lehrt damals und ich weiss, dass sie chönd zämeschaffe. Für mich isch de Punkt ebe keis Thema xi, aber anschiinend häts nöd vo Aafang aa klapped sondern erscht, als alles chli eskaliert isch. Jetzt bini überzügt, dass sie alles im Griff händ :)

Bi au gspannt uf beidi Chleider vo dir und dFöteli allgemein! Es isch gad meeeega spannend :D

##Zivil am 10 Juni 2010 -- Trauung am 10 Juli 2010##

• Zitieren

Demfall wünschi dir ganz vil Spass bim Polterobig. Freu mi scho uf dis Brichtli :)

Ich han chönne schlofe, wili vo de letschte Wuche so kaputt xi bi und selber gescht am Zürifäscht xi. Nervös bini au nöd, han aber kein Blasse, wenn sie chömed, mol guggen...

Tschüss und vil Vergnüege!

##Zivil am 10 Juni 2010 -- Trauung am 10 Juli 2010##

• Zitieren

hey zeme

jetzt bini gad zrugg vo mim polterweekend und mues eifach mol chli mini freud loswerde :-)

es sind zwo genial gueti täg gsi und het mer nie erträumt dass es so dermasse lässig wird. aber vo afang a. gester um 11 isch es sms cho, i söll langsam parat si und mös es jeansröckli und es pinkigs shirt mit schwarze schueh alegge. zudem sölli alles ines köfferli packe, meh passi jo nöd is handgepäck zur verwirrig.

um 11.20 hani veruse güggselt und gseh mini 6 mädels all in jeans röcklis und pink/violette shirts und ebe schwarze schueh und ihrne köfferlis dstross entlang laufe. mis herz hät gad en gump gmacht, es hät so cool usgseh, wie e ganzi flugzügs crew. denn sinds vorde türe gstande und hend mi herzlich empfange. noch me gruppefoti vor em huus isch es los richtig bahnhof.

han denn schnelle gmerkt dass es richtig züri goht. denn häts gheisse sie hebet en proviant mitgnoh, aber i mös mer de zerst verdiene. mini schwö isch flight attendant bide swiss gsi und somit hät sie mini mädels i üsne zwo abteil begrüässt mit ladies and gentlemen, mer befindet üs ufem flug richtig thailand (wo mer id flittis gönd)...etc. und i han möse im gang stoh, im total überfüllte zug, natürli ir mitti und ihrne awisige folge und die doofe bewegige mache vo wägä wo sind notusgäng, liechtlis, schwimmweste etc. :-) hät es bitz überwindig brucht, aber hans denn eifach gmacht ;-)

denn hends liebevoll versch. sandwichlis ir migros usgsuecht, moscatto uftue und mer hend lutstark agstosse :-)

• Zitieren

ruckzuck hend mer üs de znacht verdient und hend de denn im movies mit me feine esse und margaritha investiert. nochher hät üs de ehrgiz packt zum no de rest verkaufe und siehe da, isch no me zemecho. find 550 fr. e gueti leistig für die paar stündlis :-) hät au spass gmacht. hend zb. mit em eine stand frischi frücht geg gummibärlis tuscht. i han denn mit andere brütigam vo andere poltergruppene tanzet, mer hend gruppefötelis bis zum abwinke gmacht und und und. eifach es tolls feeling. si-tüpfelchen isch stanze gsi bim einte zelt mit house musik, hend üs richtig ustopt und es hät mi total happy gmacht. i liebs druff los ztanze und denn no mit mine mädels, eifach klasse.

noch ere erholsame aber eher kurze nacht hets es super buffet geh hüt morge. däno häts gheisse bikini alegge und in wellnessberich. eigentlich hends mir denn usem vörige geld welle e massage zahle, aber dmasseuse hät hüt frei gha. somit hät di eint kollegin gfrogt ob mer nöd dä massage ruum chönd ha und sie chön mi jo massiere:-) so lieb, han mi total gfreut und han mi somit e stund chönne schön erhole. nochher häts gheisse ufde terasse sünnele, umeligge nix tue

jo und zum abschluss hani all zum zvieri iglade ins kafi und däno sind mer vorig ufde zug. es isch es hammer weekend gsi, han luter sache dörfe mache wo i sehr gern han, sie sind superlieb uf mi igange, hend all mini dos und dont's berücksichtigt, hend sich richtig is züg gleit und sich eifach nur für mi gfreut. es isch überwältigend schön gsi und het nöd ide kühnste träum denkt, dass es sones tolls weekend git, mit sovilne schöne aktivitäte, gueter stimmig. eifach schön :-))))

@alle, wo gest au poltert hend und am züri fest gsi sind . was sind er für e gruppe gsi? was agha? villicht hend mer eu jo gseh :-)

• Zitieren

hehe so cool!

mer send imfall au am ZH fäscht gsi geschter ond hend 3-4 polteröbe gseh! han no ah dech dänkt gha!


ben mer aber garnömme secher, was mer all förigi gseh hend... :)

die send emmer alli so schnell ond lut schreiend verbih ghüenered ^^...


.oO°Oo..26.06.2010..oO°Oo.

• Zitieren