Min Maa und ich sind denn go üsi Hochziitsfotene schüsse. De Photograph hät immer xeit, was er möchti und mir händ pariert. Trotz de Schweisstropfe bi dere Hitz hämmer dSession chönne gnüsse und au die isch sehr rasch vorbi xi. Es sind ebe au 2 Photographe xi, wo üs det gfötelet händ. Ich bi meeeeeeeeeeeeega gspannt uf die Föteli!!

Wo mir zruggcho sind, isch alles scho ufgrumt xi und vil Aperogäscht sind scho heigange. Üsi Helferlis händ ganzi Arbeit gleischtet! Mir sind denn zum Bus und nachdem alli ihri Plätz gfunde händ sind mr zur Feschthütte gfahre. Au uf dere Fahrt wieder em Zürisee entlang, dur sBellevue und dStadt ischs eifach nur schön xi und ich han dFahrt extrem gnosse. Bim Bellevue bim Vordere Sterne isch gad en chline harmlose Unfall xi, wo dPolizei sogar zuefälligerwiis uf de Nebedspur xi isch und hät de Vercher churzzitig zum erlige brocht. Alli Gäscht det händ üs gwunke und üs Bus bewunderet. Nach es paar Minute sind dUnfallautos uf dSiite gfahre (isch ebe gad bi dr Ample xi) und mir händ üsi Fahrt chönne fortsetze. Nach wiitere 20min sind mr denn bi de Feschthütte aacho und mir händ müesse üs vom schöne Londonbus verabschiede.

Bi de Feschthütte isch en Apero bereitgstande mit e chli Bowle und anderi feine Getränk. Nachere churze Verschnaufpause isch serschte Spili losgange. Mir händ Barryvoxes je übercho und händ müesse en "Verschüttete" sueche. Leider häts aber vo irgendwoher (vilicht sStarchstromkabel wo über üsne Chöpf xi sind) Störige geh und obwohl ich ganz i de Nöchi xi bin, häts bi mir nüt aazeigt. Zuedem isch dBatterie bi mir sehr schnell leer xi und mir händ denn zzweite aafoh sueche. Nacheme Hiiwis hämmer sSignal doch no gfunde und de Sack mitem Gschänkli au.
Nacher hämmer es Herz müesse uusschnide und mit de vorteilhaftere Scher bini natürli sehr schnell xi. Ich han ihm mit sim Herz gholfe bis alles uusgschnitte xi isch. Min Maa hät mi denn dörfe über dSchwelle träge in Saal ine...


##Glücklich ghürote! 10 Juni 2010 -- 10 Juli 2010 2 perfekti Täg##

• Zitieren

Ich han denn fascht aafoh weine, woni de Saal xeh han. Er isch eifach perfekt xi und mr hät de Saal nümme chöne wiedererkenne. Alles isch in wiis xi, dTischdeko isch genauso, wieni mir das vorgstellt han und au do werdi Föteli inestelle, wennis han. Kompliment häts do vo allne Siitene gschneit. DTischordnig wo mir uusgwählt händ isch di perfekt Lösig xi und die vom Catering händ alles perfekt umgsetzt ka. Überall häts Cherze ka und de Blumeschmuck isch sensationell xi! Nöd zvil und nöd zwenig...
SBuffet isch au scho gstande und nachdem mir üs alli gsetzt ka händ hämmers dörfe eröffne. I dem Augeblick häts aagfange dunkel werde verusse, es hät gwindet und blitzt. Alles hät gstürmt und denn hät au de Platzrege iigsetzt. Mir sind rechtziitig inegange und de Rege hät üs sicher au no Glück brocht

Luschtigi Spili händ sich mit de Gäng abgwechslet und mir händ üsi Vergangeheit dörfe nomols uferlebe mit Laborversüech, Fotipräsentatione und Biiträg vo üsne Kollege und Familie miterlebe. Es isch alles so schnell vorbii xi und mir händ jedi Sekunde devo chöne gnüsse! Eifach nur wunderbar!!!

Es hät i de Zwüscheziit ufghört regne und mir händ verusse chöne de Bruutstruss werfe. Leider sind alli Fraue sehr wit hinde gstande und ich han au zwenig wiit gworfe, weshalb ichs 3 mol ha müesse mache. Eine vo mine Bruutjungfere häts ufgfange


##Glücklich ghürote! 10 Juni 2010 -- 10 Juli 2010 2 perfekti Täg##

• Zitieren

Roseblätter sind vo üsere Huustüre zum Schlofzimmer gleit worde. Vo üserere Schlofzimmertüre isch e Charte glege miteme Zettel dra, dass mir de Schlüssel müend go sueche. Ich bi zum Chleid uusgstiege und mir händ üs uf dSuechi nachem Schlüssel gmacht. Es isch e Schnitzeljagd xi dur di ganz Wohnig. Wenigi Sache sind ame andere Ort gstande, üse Spiegelschrank im Bad isch volle chline Alkoholfläschli und Gwürz xi, aber sus händ sies würkli luschtig gstaltet ka. Üsi 2t Nasszelle isch sogar volle Ballön xi! Do simmer fascht nöd zum nächscht Hiiwis cho De Schlüssel isch schlussendli im Gfrürfach im Frozen-Joghurt dinne xi.
Wo mir dSchlofzimmertüre ufgmacht händ hät sich es herzigs Bild zeigt. SBett isch volle Roseblüeteblätter xi und Schoggiherzli. Min Maa hät sis Gschenk vo mir fascht überseh vor luuter anderi Sache ufem Bett. Er häts aber au kapiert, nachdem ich ihn chli uusgfrogt han hihihihihihi.

Mir händ denn endli chöne go dusche und sind denn am 7ni friedlich iigschlofe. Es isch en perfekte Tag xi, e perfekti Nacht und die Erinnerige werdet für immer i mim Chopf feschtbrennt sii. Ich möcht au do offiziell all de Helferlis danke, wo so vil zum Fäscht biitreit händ. Es isch eifach genial xi!!! Merci vilmol!

##Glücklich ghürote! 10 Juni 2010 -- 10 Juli 2010 2 perfekti Täg##

• Zitieren

wunderschön
ich gratuliere euch von ganzem Herzen. Ein toller Bericht und ich freue mich schon auf die Fotos

LG Palchen

• Zitieren

Mehr gibts später :D

Grüässli

##Glücklich ghürote! 10 Juni 2010 -- 10 Juli 2010 2 perfekti Täg##

• Zitieren

Wow, meeeeeeega schöööööön!!!!!!!!!!!!!!!!

******* Zivil: 27.08.10 & Kirchlich: 4.09.10 *******

• Zitieren