| Cosmologia's Traumwedding |
|
|
1 2 3 4 5
|
cosmologia  am 21.07.2010
Re: Cosmologia's Traumwedding
@Hase
Vielen Dank  . Jede Brautjungfer hat sich selbst darum gekümmert. Details (also bei wem) habe ich leider keine. Sie haben sich Schneiderateliers ausgesucht oder ich glaube die eine war im Jelmoli für die Änderungen. Die Länge war bei 3en sowieso gut und musste nur bei einer gekürzt werden. Die Roccailles hat die eine aber selbst angenäht. Die Kleider selbst sind aus dem C&A. Rot war dieses Jahr leider sonst nirgends zu finden 
@nzwedding
Ui, das war bei uns ein ziemlich grosses Thema. Erstens es gibt schlechtes Wetter und es gibt Sintflut (wenn du weisst, was ich meine... hihihihi) Für wenig Regen oder dunkle Wolken hätten wir Pavillons aufgestellt. Für Dauerregen von Mo-Fr wäre dies nicht machbar gewesen... Für diesen Fall haben wir uns für einen Saal in der gleichen Gemeinde entschieden. Wäre auch schön gewesen, aber natürlich ganz anders. Eine Kirche oder Kapelle kam für uns nicht in Frage. Wir haben uns wirklich sehr gefreut, als die Wetteraussichten immer besser wurden. Am Abend waren wir natürlich unter Dach und dann wars egal :)
Grüässli
##Glücklich ghürote! 10 Juni 2010 -- 10 Juli 2010 2 perfekti Täg##
|
|
|
Krispy am 21.07.2010
Re: Cosmologia's Traumwedding
Hey Cosmologia, ech ha ez mou chli gläse ond gluegt ond gstuunt!
Eifach total schön- ehr zwe ond de Rum ond verosse ond d Deko! Be scho mega gspannt of mini Fötali! So ne schöni Erfahrig werklt lang noche gäu! Ech be emmer no total of Wolke 7
D M&Ms hemmer ou gha Aber mer hend denn d Zätteli abgschnette. Zom Teil hend d Lüt erscht mega spot gmerkt, dass öpis drof stod ond send denn ganz verläge worde, dass sis ned gliner gmerkt hend
Mer hend si no bim Apero lose gtreut gha. Send mega guet acho!
|
cosmologia am 21.07.2010
Re: Cosmologia's Traumwedding
Krispy
Jo, ich schwebe ez no uf Wolke 7 und ich möcht gar nümme obenabe cho . Au, wenni im Gschäft bi  Ich han dur dFöteli no einisch alles chöne erlebe und alles nomol novollziehe! Am liäbschte würdis de ganze Wält mitteile, ich han so ne riiiise Freud dra! So schöönn!! Ich freu mi au scho uf dini Föteli, falls du au welchi do ine postisch...
Das mit de M&Ms isch sone Sach xi. Ich han sie bstellt über e Kollegin in Konstanz und mir händ eigetli no abgmacht ka. Leider ischs nöd zstand cho und mir händ dM&Ms serscht mol ufem Tisch xeh. Ich han würkli wölle alli Zettle wegschnide, aber ich han die Arbet sus niemrem wölle ufbürde. Für mich ischs denn eis vo dene unvermiidliche Patzer xi, wo vorchömed. Zum Glück ischs allne gliich xi 
Di meischte händ aber au nöd gmerkt, dass öbis drufstoht. Chönt vilicht au de Grund sii, wieso dass einigi Gäscht sie nöd mitheigno händ. Macht aber nüt, so chani es paar is Gschäft mitneh, es paar uf Australie schicke und es paar selber esse :D Sus sinds würkli au guet aacho :)
##Glücklich ghürote! 10 Juni 2010 -- 10 Juli 2010 2 perfekti Täg##
|
Yasi  am 21.07.2010
Re: Cosmologia's Traumwedding
Hey cosmologia
Wow!!! Merci für de tolli Bricht und die mega schöne Föteli! So wie Du schriibsch und wie's uf de Fotine uusgseht, schiint en megamässige Tag gsi sii. De Londonbus isch jo mega geil. Wie bisch denn zu dem cho? De Saal gseht uuu mega schön us. händr eso Chärzli mit bedrucktem Papier drumumegmacht? gseht toll us.
Ich gratulier oi ganz fescht zum Hochzig und wünsche oi alles alles Gueti! Schwebed no lang uf de Wolke 7. Mir sind ämel immer no det.....
lg Yasi
Glücklichi und stolzi Ehefrau!
|
cosmologia am 22.07.2010
Re: Cosmologia's Traumwedding
Ja, es isch würkli sensationell xi
De London Bus hani glaubs vome Branchebuech entweder do oder uf nere andere Siite. Mir händs xeh und xeit, das passt genau zu üs! Sisch zwor relativ xeh tüür, aber üs isch es Wert xi. Zuedem hämmers würkli vom 2 bis am halb 8ti am Obig ka. Ich bi ja also mit dr ÖV zur Hochziit .
Ich tue die Kompliment a mis Team wiiterleite. Sie händ würkli alles gmacht ka. Mir händ dTischaaordnig gmacht (Platzbedingt...) und dTischordnig erstellt und sie händ de Rescht gmacht.
Es sind Gläsli xi mit grosse Teecherzli drin umhüllt vo bedrucktem milchig-transparents Papier xi (wennd weisch, was für Spezialpapier, dassi meine). Zämegmacht vonere grosse Nadle mit Perle obedruf. Recht simple, aber sehr effektiv! Hät üs unglaublich guet gfalle und de Gäscht ebefalls :D
Danke, mir fahred das WE weg, wil ich min Maa abem Sunntig für mindestens 2 Mönet nümme xeh. Er isch uf Inbetriebnahm vonere Aalag in Norwege und do wirds uu schwierig werde wiiterhin uf Wolke 7 zschwebe. Defür umso meh, wenn er wieder do isch!!
Grüässli an alli
##Glücklich ghürote! 10 Juni 2010 -- 10 Juli 2010 2 perfekti Täg##
|
Carmile  am 22.07.2010
Re: Cosmologia's Traumwedding
hey cosmo
danke no fürs foti und dini usfüährige däzue wod mer gschickt häsch. isch würkli e originelli idee und wäri au nöd spontan druff cho.
freu mi uf üsi kircheständerfotos, denn chan der denn au üsi idee zeige wo mer gha hend.
grüesslis und gnüsset eures weekend zu zweit!
|
cosmologia am 22.07.2010
Re: Cosmologia's Traumwedding
Hallo Carmile
Isch doch sehr gern gscheh
Freu mi also au sehr uf dini Föteli *grins*
Danke, das werde mr  
##Glücklich ghürote! 10 Juni 2010 -- 10 Juli 2010 2 perfekti Täg##
|
|
Suenneli79 nicht registriert am 23.07.2010
Re: Cosmologia's Traumwedding
hey cosmologia... du warst eine wunderbare braut. die fotos sind sehr schön! kompliment!!!
|
mia87  am 23.07.2010
Re: Cosmologia's Traumwedding
hend ächt es wunderschöns Hochzit gha, min Schatz und ich chöntet eus ebe au guet vorstelle verusse zhürate. Jedoch isch das halt sehr wätter abhängig, hend ihr no en Chile oder so als Schlächtwättervariante gmietet?
|
cosmologia am 25.07.2010
Re: Cosmologia's Traumwedding
Hallo mia
Ja, sisch tatsächli sehr wetterabhängig. Ich würd säge, dass es uf dUmgebig drufaachunt. Mir händ e gneigti Wiese ka und wenns Bäch gströmt hätti, wärs ja gar nöd mögli xi. Es hät i de gliiche Gmeind en schöne Saal ka, wo mir Vorreserviert händ. Mir händs aber früehziitig chöne absäge demit mir nüt händ müesse zahle. Mir händ ja echt sWetterglück uf üsere Siite ka
Ich weiss nöd, öb mr e Chile vorreserviere chan. Es giit aber vilerorts beidi Möglichkeite.
##Glücklich ghürote! 10 Juni 2010 -- 10 Juli 2010 2 perfekti Täg##
|
|
|
1 2 3 4 5
|
Anmelden
