| Dani und Nici's Diamond Wedding |
|
|
1 .. 19 .. 36 37 38 39 40 .. 46 .. 52
|
|
Daninici10 nicht registriert am 04.01.2013
Re: Dani und Nici's Diamond Wedding
Danke elea  Sind alles iPhone Föteli. I hoff das di "richtige" nächst Wuche chömed. Bi so gspannt druf und freu mi druf Dankeskärtli zmache
|
|
|
valey  am 04.01.2013
Re: Dani und Nici's Diamond Wedding
echt schön nici
i fend aber dini frisur würkli schön :D
wär natürli hammer wenn de au würsch nochehole mit einere grössere Hochzit :D scho die hend hammer tönt.. :D hehehe
freumi uf witere fötelis :D
|
|
Daninici10 nicht registriert am 04.01.2013
Re: Dani und Nici's Diamond Wedding
Nur scho nomol e Chleid ussueche wärs  Mir wönd scho beidi in absehbarer Zit nomol was mache, aber wie gnau wüssemer nöd
|
Lilly4  am 04.01.2013
Re: Dani und Nici's Diamond Wedding
also ich find dini frisur mega schön 
wie meinsch würsch meh ziit irechne, wie viel häsch
dänn gha? das isch bi mier ebe au so öpis, weiss
gar nöd wie viel ich wird müesse iberechne :/ lieber
z viel als z wenig dänki ...
und, wie wird din vater echt reagiere??? ich hoffe nöd
allzu schlimm :( und dänn chönder ja immerno es grosses
fescht mache, häsch doch verzellt gha mit dinere kollegin
zäme?  das wär sicher uh schön und vorallem
speziel ...
|
|
Daninici10 nicht registriert am 04.01.2013
Re: Dani und Nici's Diamond Wedding
Hine sind d Haar scho schön, aber vorne hets mir nöd gfalle. Bi do chli heikel
Weisch mir händ erst am 1 chöne id Suite und am 2 hämer scho wieder los müesse und händ denn ja nomol müesse is Hotel zruck will mir was vergesse händ. I han zerst wölle mit de Fotografin kurz vor de Trauig abmache, aber sie het gmeint es wird so schnell dunkel und git denn nüme so gueti Bilder. Strossebelüchtig und Tagesliecht isch halt nöd sgliche.
Hetted mir am 12i chöne ichecke wärs scho besser gi. E Stunde zum aziehe und fertig schminke isch eifach zwenig. Mir händ nöd mal zit gha zum schnell Föteli mache da find i uh schad.
Säg nix, i ha kai Ahnig wie er reagiert. Würs gern no am Sunntig säge denn chönt am Mentig ene au als offiziell verhürated d Arbet starte 
Das mit de Trauzügin wär natürli mega. Sie het au nur zivil ohni Family ghürate und wünscht sich no e grossi HZ. Allerdings stoht sie nöd so gern im Mittelpunkt und wenn wirs zäme mached stoht sie nöd allai im Fokus. I fänds uh schö, v.a. sind mir bi vielem glich und händ de glich Gschmack.
|
schmetterling84  am 04.01.2013
Re: Dani und Nici's Diamond Wedding
He Liebs
Di Frisur isch sehr schön gsi... es het zu dir passt und will du jo eh fast keini Föteli hesch bis jetzt vo vorne würd i eifach warte bis denn die richtige chömme... du hesch mega usgseh.. aber kenn das mit Perfektionischt si.
Freu mi soo uf dini Föteli... vorallem die wo ig nid mitbecho ha vom Shooting vor dr Trauuig.
|
|
Daninici10 nicht registriert am 04.01.2013
Re: Dani und Nici's Diamond Wedding
Merci I bi immer so selbstkritisch und gfall mir selber selte.
Stimmt, mir händ echt fast kai vo vorne. Die meiste het din Schatz gmacht
I bi de ganz Tag wie im Traum gwandled, han echt a nix denkt
Gib dir denn sofort Bscheid wenns do sind
|
Kate82 am 04.01.2013
Re: Dani und Nici's Diamond Wedding
Hey nici
Sälber falled eim halt grad Sache uf, wo eim nid so gfalle, oder wome gärn anderst gha hät. Aber für uns, wo nid wüsse, was du an diner Frisur villicht lieber chli andersch hätsch, gseht d'Frisur super us und passt guet. Au wenn so üppigi Chleider nid ganz mi Gschmack sind, findi, dass du e sehr hübschi Brut gsi bisch. S'het alles guet zäme und guet zu dir passt.
|
himbeer am 06.01.2013
Re: Dani und Nici's Diamond Wedding
so jetz chani mi au endlich no melde...
ganz ganz herzlichi gratulation au vo mir! ich bi also im auto uf österrich gsässe und ha a dich denkt. d bilder gsehnd ja jetzt scho ganz super us und dini erzählige töned echt super. freut mi mega, dasses glich no es happy end geh hät bi dir!
|
|
Daninici10 nicht registriert am 06.01.2013
Re: Dani und Nici's Diamond Wedding
@Kate: Selber isch mer scho immer viel kritischer stimmt. Danke vielmol fürs Kompliment
@Himbeer: Merci Du bisch ja a dem Tag au no anere HZ gsi, wie ischs gsi?
Liebs Grüessli Nicole
|
|
|
1 .. 19 .. 36 37 38 39 40 .. 46 .. 52
|
Anmelden
