Will ich sälber au mega gärn gange bi anderne go schneugge und i dem Forum scho so viel Aregige und Idee gfunde ha, hani beschlosse, do au e eigene Tread z starte und eusi Sache do dri z tue. Mir hürote erst im September das Johr aber mir händ sehr früeh agfange plane (letschte Juni) und händ dorom jetzt scho fast alles zäme . Bis jetzt hämmer:

- Zivilstandesamt buecht und Termin reserviert
- Chile und Siegristeschür reserviert
- Gspröch Pfarrer gha
- Sängerin für id Chile buecht
- Apéro für nach de Chile buecht
- Festlocation für am Obe buecht
- Transport Gäst organisiert
- Hochzyytschleid kauft
- Stylistin agfrogt und fürs Datum reserviert
- DJ für am Obe buecht
- Überraschig für mi GG am Obe buecht
- E Teil vo de Deko kauft (chlini Windliechtli und grossi Kerzelüchter für uf d Tisch)
- Für d Bluemedeko und de Brutstruss etc. e Offerte agfrogt (warte mir no druf)
- Gastgschänk Probemüsterli gmacht
- Hochzyytsreis buecht
- Iladige agfange mache
- Fotograf buecht

No offe sind:
- Azug GG (het er aber scho e Termin deför im März)
- Def. für Bluemedeko, Brutstruss etc. entscheide
- Assesoires für mich chaufe (Schueh etc.)
- Chlinigkeite für d Deko bsorge
- Gastgschänkli denn def. mache (erst im Sommer)
- Transport Bruutpaar def. organisiere (hämmer scho e Idee)
- Chleider fürs Zivile chaufe (beidi)

Meh chunt mir grad ned i Sinn, aber dänke mir händs rächt im Griff zyytlich etc. und chöne so hoffentli denn e möglichst stressfreii Zyyt vor de Hochzyyt ha .

Gester hämmer no für eusi Iladige die div. Chärtil etc. druckt und zwäggschnitte, mir mache ebe so Pocketfold-Chartene wo mir i de USA bstellt händ und händ aber d Blätter zum dritue sälber welle drucke. Jetzt hämmer gester mol alles parat gmacht zum's no fertig zämechläbe, dänke das sötte mir gäge ändi Wuche denn au fertig ha. Mir wette ebe d Iladige so Mitti März oder so mol verschicke . Gastgschänk hämmer jetzt au so anebecho wie mirs händ welle (zumindest s Muster wo mir gmacht händ), ha Föteli dezu imene andere Tread postet woni mol gmacht ha wäge de Gastgschänk . http://www.heiraten.ch/forum/board/ich-s...k-9_1278.html#8

Jo das wärs mol sowiit, mache denn mol no Föteli vo de Iladige und tue die denn au do druf, velecht chas jo de einte oder andere Brut au emol wiiterhälfe .

Zuletzt bearbeitet am 25.02.13 10:58

• Zitieren

wow ihr sind würkli scho mega wiit :-)
wenn hürated ihr denn gnau? mir am 13/14 september.

ich bi no uf de suechi nach de perfekte lösig fürs styling etc... aber ich finds no schwer irgendwie.

• Zitieren

ja ich bi ebe grundsätzlich no unsicher öbi will zum stylist gah oder öper zu eus hei bstlele oder was au immer... usserdem fändis no schön wenn mini TZ und bridesmaids au grad det wäred, drum isch ei stylistin elei wahrschilni nöd möglich.. ja ich hoff ich cha de punkt bald abhake, da hani bis jetz scho viel zviel dra umestudiert :-)

• Zitieren

ja ich bruch eigentlich ebe öpper wo grad 5 lüt cha mache. guet eusi zeremonie isch erst am abig am halbi 5i oder so, drum händ mer wenigstens kei stress...

• Zitieren

haha stimmt... ja ich cha mi glich nöd entscheide wie mer das am beste sölled mache. ich weiss au nöd... anderi sache hani schneller entschiede gha :-)

• Zitieren

ou schön, häsch es bild? :-)

ich bi ebe lustigerwiis genau s gegeteil, ich bi recht schnell mit entscheidige und triff sie au gern. bis jetz isch bi eusere organisation au alles sehr flüssig und zackig fürschigange. und grad de punkt isch irgendwie schwerer als ich denkt ha.

• Zitieren