Danke viel mol i bi au immerno ganz grührt, well i nöd demit grechnet ha, dass mir scho nögstjoohr hürotend...

hürotend ihr im Classic Saal oder im Grosse?

Dorf ich fröge, wer eu bedient hät? Location und dUmgebig isch ebä scho eimolig und au Terrase find i en Traum, drum stohts doch em eher schlechte Bsuech immerno gross im Renne...

• Zitieren

Hallo Manoa

Hei cool gratuliere zur Verlobig, so schön . Also mir hürote au i de Seerose im Classic Saal und für eus hets bis jetzt au total gstumme vo de Berotig här und wenn mir amigs sind go ässe und so. Guet mues säge ha au scho mol e Bedienig im Restaurant gha wo's ned so im Griff gha het, esch aber glaub d Lehrtochter gsi und vo det här entschuldbar findi.

Mit wem hesch denn Kontakt gha? Ich ha eigentli immer mit em Herr Achermann z tue (Leiter Alassorganisation) und ich find ehn sehr kompetänt und hilfsbereit, hani also gar kei Problem gha bis jetzt. Wobi mues au säge, wo mir d Rüüm etc. erst sind go aluege und eus nonig fix entschiede gha händ für d Seerose händ mi au alli chli reserviert dunkt. Sobald mir buecht händ simmer aber immer sehr prompt und fründlich bedient worde. Meh chani dir nach eusere Hochzyyt am 21.09. säge .

Wennd sust eifach allgemein möchtisch über Locations uns so dich ustusche mit anderne denn tues velecht besser do i sone allgemeine Tread ine, mine läsed sicher ned eso viel dass du do gnüegend Antworte bechunsch . http://www.heiraten.ch/forum/board/anlae...ag/index-4.html

Zuletzt bearbeitet am 13.08.13 15:05

• Zitieren

Jo Sonne mir sind au letscht Wuche wieder mol gsi go ässe und händ eus denn grad no e Wyy usgsuecht *g* , s esch eifach ächt megaaa schön dete s gfallt mir so guet wie sie immer alles dekoriert händ, esch absolut mi Gschmack . Freu mi wörkli mega dete fiire und bi gspannt wie's denn wird .

De Apéro wo mir d Gäst begrüesse vor de Childe chöne mir jetzt schiins bim neue Abau mache (Cocon) dete uf dem Platz über de Tiefgarage mit de Bäum (a dem beni aber ned debii will ich direkt id Chile gange) und denn wenn mir zrugggönd vo de Chile gehts e chline Überbrückigsapéro (nur Trinke) für d Gäste bis mir mit föttele fertig sind am See dete bi dere Seelaube wenns schöns Wätter esch .

Zuletzt bearbeitet am 13.08.13 16:12

• Zitieren

Danke viel mol für eui Rückmeldige.

Mir händ nöd mit em Herr Ackerman kontakt gha, evtl. liets jo ah de, dass mir nöd so en guetä Idruck vo dä Betreuuig bekoh händ. Es isch ä Dame gsieh, Mitglied Teamorganisation. Die Wuche sött dOfferte koh und denn luegemer mol wieter. Werdend aber no anderi Location ahluege.

Wo isch denn die Seelaube?

Bi eu isch es jo scho bald sowiet händ ir Standesamtlich scho ghürote?

• Zitieren

Mir wühr ebä da Classic Saal au besser gfalle, aber mir sind " leider " sicher 80 Lüüt und denn isch dä Saal eifach zkli, dä Vorteil bim grosse find i, dass uf Terrasse use kasch goh...

Ah super, das erklärt einiges. Mir wartend jetzt mol ab wies wietergoht. Evtl. gönd mir no dä Vitznauerhof go ahluege, wird aber wohrschinlich ztüür sii

uiii nei, so wiet führe törsch no nöd luege weg em Wetter i druck dir dä Dume, dass es schöns Wetter wird sii

• Zitieren

Jo guet mit 80 Lüüt wärs allwäg wörkli denn chli äng, vorallem wennd no wetisch e chli Tanzflächi ha. Stimmt bim andere esch jo no die schöni Terrasse debii, esch halt au de Hammer .

Haha jo ich weiss ich söt s Wätter nonig aluege, esch chli gaga, aber ich merke ich mutiere langsam ächt zum Bridezilla, mini Närveeee . Versueche das Wuchändi mit mim GG mol chli abzschalte und Hochzyyt uf de Siite z loh, langsam närvts eus irgendwie grad nur no.

Jo sicher, ich ha do i mim Tread uf de 2. Siite Fötelis inedo vom Chleid und vom Standesamtchleid au uf de Site 23 oder 24 glaub .

Sueche dir denn explizit öpis am Wasser neume? Grad Luzern het jo extrem viel schöni Sache, oder au am Thunersee hets glaub mega schöni Locations .

Zuletzt bearbeitet am 14.08.13 11:28

• Zitieren