Oh wow, dis Kleid isch sehr schön. Muess mol die ganze 25 Siite nohläse weni Ziit han

I hoff ihr könd schön abschalte das Wuchenend. Wohnend ihr i dä nöchi vo dä Seerose?

Jo genau mir suechend öpis am Wasser oder mit schönem Blick uf en See.
Mir werdend zwor scho uf em See hürote (Insel Ufnau) aber möchtend denn au am Obig am Wasser sii.

Mir het vom Stil her no sMontana in Luzern gfalle, aber ah üsem Datum isch es Fäst in Luzern und dHotelzimmer scho fast usbuechen, zudem gfallts mir nöd so, dass mä um sHotel praktisch kei Bewegigsfreiheite hät, sprich kah direkt go laufe ect. do isch hald dSeerose top! Min liebe Schatz will da Wuchenend no paar Sache rund um Vitznau / Weggis ahluege. In Hertenstein isch ä neus Hotel ufgange,womer au gern wührend go ahluege, vo dä Homegpage her isch es mir aber zu modern / zwenig charme.

also i bi jo jetzt scho nervös und bi üs gots genau no eis Joohr und 2 Täg

• Zitieren

So do mol wieder echli Uffrüschig, mir händ jo d Gastgschänkli no fertig vorbereitet und chöne jetzt denn gli mol alles def. Verpacke. Bi de Chiliölfläschli tüemer no sone zuesätzlichi Schutz druf mit somene Plastikhübli damit sicher nüt cha uslaufe. Das chöne mir denn nächst Wuche no go mache, det wo mir d Gläsli kauft händ het sie eus gseit sie macht denn das wenn mir das gärn hätte.

Sust wär sowit alles parat, d Gschänk für d Chinder sind alli verpackt, det hämmer sone Zauberstab drin, es Pixie-Büechli, Schöggeli und es Molbüechli wo me mit em Bleistift cha drüberfahre und denn chöme undedra Bilder füre .

Ah jo und Namensasteckerli für d Chinder hämmer au no gfunde und gmacht (mit Chlämmerli, die müemer no dralieme).

• Zitieren

Danke vilmol Manoa jo mi Tread esch plötzli so lang worde irgendwie *g*, aber esch au viel Blabla drin .

Ou meegaaaa schön hei, bis grad schnäll go google das gseht jo schnusig us hei ächt e megaaa spezielle Ort zum hürote ! Hmm und am Zürisee sälber wänd ehr ned bliebe? Det hets doch au no viel Hotel hani gmeint wo direkt am See ligged? Mues mol go luege, ich ha glaub no paar ehemaligi Brüüt im Chopf, ev. findi no öpis.

Oder am Vierwaldstättersee esch glaub s Hotel Seeburg oder s Hermitage au no bekannt, bi aber nonie sälber gsi.

• Zitieren

wow tolli sache eve. gseht alles super toll us!

• Zitieren

wow die Gschänkli sind jo dä Hammer!!! Häsch alles selber gmacht??

Magsch verzelle waner alles drin händ? Oder häsch da scho gschriebe? denn sorry

also rund um dä Zürisee hät mir leider nünt gfalle, aber i denke, i bin au kli kompliziert

sPanorama isch mir zgross, Restaurant Luegete simmer sletschmol bim Essa mega entüscht gsieh (Priis / Leistig) Romantik Hotel Küsnacht händ mini Eltere ghürote und sie sind gschiede, drum irgendwie kei guets Omen Im Hermitage händ sbeste Kollegepärli ghürote und mir wend natürlich nöd gad sgliche Seeburg wär ä Option, kennes nur vom Internet.

• Zitieren

Danke vilmol Manoa und Taeboyana mega lieb

Jo ich has irgendwo mol neume gschriebe vor eewige Zyyte aber verzelles gärn nomol . Mir händ vorne drufe es Chärtli mit emene Liebesrezäpt wo stoht

2 Herzen, eine Prise Romantik, 100g Liebe, 50g Humor, 2EL Leidenschaft, 1 Pfund Geduld, 2cl Vertrauen, und etwas Phantasie....

Mir händ denn Sache gmacht / kauft wo sinnbildlich für die Zuetate stönd (2 Schoggihärzli, es Cherzli, Vanillezucker (süss wie die Liebe), Rosmarin-Zitronen-Salz (sauer macht lustig), Chiliöl (Leidenschaft), Sonnebluemesömli (Geduld), Limoncello und es chlises Seifeblöterli für d Phantasie.

Das wo mir händ chöne sälber mache hämmer sälber gmacht und denn alles i so Fläschli abgfüllt und agschriebe etc.

Hmmm ou wäge dene Hotel, demfall sind das allwäg au so ziemlich alli die wo ich kenne . Dassd ned im gliche Hotel wötsch wie dini Eltere chani voll verstoh, das hätti glaub au chli eso. Schweri Sach, aso wenn mir no öpis i Sinn chunt sägi dirs .

Zuletzt bearbeitet am 14.08.13 14:05

• Zitieren