| Ich freu mich |
|
|
1 .. 140 .. 277 278 279 280 281
|
bergeri  am 23.10.2012
Re: Ich freu mich
@saerli: das isch d'Proeschu gsi wegem Chleid. aber isch schu guat.  Ui also wenn so an Zyklus hesch wia i, chasch uf das App überhaupt nid goh, i han nochem absetza eimol 30 Täg kha, eimol 50 eimol 72 und denn wieder 45 ganz unterschiedlich. also wenn nur mit däm verhüatisch chönnts jenochdem schneller goh als plant 
|
|
|
saerli am 23.10.2012
Re: Ich freu mich
Oh, tschuldigung... I ha so Kopfschmerze hüt und gester und öberhaupt scho lang. Das hani sust nie. Schribe alles falsch, vertusche Buechstabe und Zahle und cha nüt würklich schaffe. Wenns Endi Wuche ned weg esch goni zum Arzt. Die ide Apothek het gmeint es chönnti wäg de Umstellig si vom Pille absetze.
Jo das met em Zyklus wo noni ipendlet esch, macht mer ebe au bitz Bedänke. Obwohl das App wo ich han immer vom neue Zyklus us rächnet. I gebe det jedesmol i wenn was passiert esch ond ergendwie rächnets das alles us. I werde mi bsunders am Afang ned nor uf das App verloh. Münd halt no zuesätzlich verhüete, damit ned grad was passiert. Möcht scho no bitz warte...
|
bergeri am 23.10.2012
Ich freu mich
isch kei problem saerli, ou das tönt nid guat mit dina Kopfschmerza, guati Besserig!
i han Pilla letscht Johr im November abgsetzt, mein gott schu bald bald as Johr verganga, und min Zyklus isch im Mai nonid regelmässig gsi, im April hen miar denn dia zuasätzlich verhüatig weg loh und im Juni hets denn schu igschlaga. 
und jetz freuen miar üs eifach nur riesig bis miar üsers Wunder törfen in da Arma ha.
@Dia: wia isch din FA Termin gloffa? Alles in bester Ordnig?
Miar hen nögscht Wucha am Donstig, am Morga am 8i wieder Untersuach, freua mi riesig. Mini FA het miar letschtmol gseit dass miar no ei Untersuach in der 20. Wucha machen (dä nögscht Wucha) und denn erst in der 35. wieder, vorusgsetzt as isch alles guat und sus natürlich schu no meh. i säga ihra aber nögscht Wucha dassi so in der 28./29. glich nomol verbi goh wet. eifach zur Sicherheit, well i finda 15 Wucha denn doch a langi Zit.
jäääää dia Zit vergoht so schnell. erst grad no hani Geburi kha (24.7.) und i bin no sooo frisch schwanger gsi und jetz bini denn grad schu in der Hälfti, gstört.
|
|
|
1 .. 140 .. 277 278 279 280 281
|
Anmelden
