Sit meh als me Jahr bin ich jetzt scho i dem Forum. Ich weiss no genau wie ich vor Ufregig nüm han chöne schlafe und ich mag mich au no guet erinnere, wie all immer no gseit händ: "Es gaht ja no sooooooo lang---" Ach ja… und GG hät ja immer über`s forumisiere glacht…


Hüt – 2 Tag vorem Zivile muess er zuegäh, dass er recht froh isch, han ich so früeh afange organisiere. Er isch mir au sehr dankbar, dass ich sozägä s`ganz Hochziit allei organisiert han. Mir häts uf all Fäll mega Spass gmacht und ich chan jetzt relativ ruhig die nächste 10 Tag gnüsse.

Vorbereitige sind abgschlossse, es isch alles baschtlet und ich muess eigentlich nur no morn dä Ruum für Gabete parat mache und am Friitig vorem Hochziit dä Saal go dekoriere.

Da ich mich au immer über Fotene freue, han ich dänkt, ich stell mal es paar Fotene vo dä Vorbereitige is Forum!

Ich wett eu allne da ine ganz herzlich Danke sägä für die tolli Ziit (das söll kein Abschied si), es isch eifach immer wieder spannend, emotional und hilfriich sich da ine mit eu usztusche!

Eusi Homepage: www.amanda-thomas.heiraten.ch

Eusi Iladig



Ring us Rosengold


Wunschbuech




Moneybox


Gschenk für Mami und Dad


Astecker für di gladne Gäscht

Zuletzt bearbeitet am 25.04.12 08:57

• Zitieren

wow, mega cooli idee hesch du da gha!
i wünsche dir, dass du di letschte täg vorbereitig no so richtig chasch gniesse und es wunderschöns fest hesch!!

mir geits itz gred gliich, dänke, es geit no sooo lang

• Zitieren

Mega schön gmacht Layonie, ich wünsche euch ganz en schöni Hochzit ond unvergässlichi Täg. Dini Eltere freued sech sicher über dGschenk! Freu mi scho uf din bricht, liebe Gruess

• Zitieren

Mega toll layonie!!

Wünschä euch es ganz es tolls Zivilhochzig am Fritig

Und falls ich am 5.Mai vor luuter ufregig no dezue chum dänk ich dänn ganz fescht a dich!! Um welli Zyt händ ihr di Kirchlichi Trauig? Bi üs isch sie am zwei. Huiii, wird grad wieder ganz chribbelig wänn ich dra dänk

• Zitieren

Jöö, danke eu viel mal....

Han no es paar Fotene gfunde:

Kameras für uf dä Tisch (mit Fotoufgabe)


m&m`s für Gaschtgschänkli


Gaschtgschenkli und grad au Namestäfeli ufem Tisch



Teil vo dä Tischdeko


Ringchüssi


Probefrisur (wird aber nöd mit Blueme si)


chämifäger


Bluememaitli



Und sit em Januar wüssed mir ja au, dass mir z`3 werdet hürate, was euses Glück no viel Grösser macht!

• Zitieren

S`Zivile isch am 15:15 Uhr und s`Chirchliche am 13:00

Tinebine ich versueche also au a dich z`denke! Ich freu mich jetzt eifach nur no wahnsinnig!
Han grad selber Freud, jetzt wo ich die Fotene all so mitenand gseh!

Dia, oh ja, du flügsch ja dänn.... Ihr werdet sicher en wunderschöne Hochziitstag in Vegas ha!!

Versueche nacher no dä Bricht vom Polterabig z`schriebe!

• Zitieren