Coole Poleribricht - danke!! Tönt ächt lässig, lustige Lehrer het Din Sohn
U hei, Softshell isch doch gar nit so schlimm?!


Schöns Chalkboard, u schöni Ringe wo dir da usgsuecht heit!

• Zitieren

Mir hei Softshell vo GGs Betrieb, loufe aube gad aus Werbig dür Gegend... Aber Igelfrisur gits nit, Tupper hingege scho öbe mau, aber 1 u nit 10 Verstah Di aso guet!

• Zitieren

sooo min bricht isch online :

Aso eigetli het alles am Mittwuch scho agfange  zwei vo mine schwöschtere sind cho und mir hend no bache, ikauft usw..bi no zu de Dentalhygienik gange. Has sehr gnosse  Am abig hemmer de CH Match gluegt und hend u de Fun gha, no chli gschnäpslet und so  vo de Gastgschänkli hemmer ja Vieille Prune vom Zgragge gha, de hend sogar Fraue gern.
Am Dunstig bini mit de TZ go nägeli mache und denn hemmer no bached und packt und Wösch zämegleit. Ha aber det de ganz morge so krassi Unterlibsschmerze gha  sind am mittag denn churz zu minere FÄ will mer eh i de nöchi gsi sind. Sig nüt schlimms, sie het no gluegt weg Zyste wos cha ge nach de Spirale und het gmeint dass sig d Periode..ha ja die scho jahre nüm gha drum isch es chli ungwohnt gsi. Aber ha denn e schmerztablette gno und de isch wieder gange. Am abig hemmer de no recht z tue gha. Mis Mami isch denn no cho und minere TZ de fründ. Am Fritig bim ufstah bini ganz relaxed gsi, au will ich gwüsst hans Wetter hebt  und mir sind denn id Gardenvilla gfahre mit de Cupcakes ufem schoss, so lustig gsi. Sind amel heil acho. De hemmer chli dekoriert und züg ufgstellt. D kollegin mit de kamera isch denn au mal no cho, det het stativ gfehlt. D Jungs hend überall ballön aghänkt, mit eusne Näme und em Datum druf, vo minere TZ bstellt, u herzig. Mint und wiss  aber anschienend hend scho lüt es paar abegrisse, chum simmer weg vom weg gsi. Komischi lüt wo so öpis mached.
Denn sind mir hei, ha mi vom GG verabschiedet, er isch aso scho chli nervös gsi, so herzig. Ich kes bitz denn simmer is Gästezimmer dure wo mini TZ gmietet het zum schlafe und d Visagistin isch scho parat gsi. Mir hends u lässig gha, isch ganz en flotti. Mini TZ isch denn no Nudeluflauf go hole bi minere Ma und mir hend sogar gässe  am viertel vor zwei isch mis Mami denn voll gstresst durecho, sie müss dusche und heb etz die chline no agleit usw..d Visagistin het denn no Notfall Plan gmacht und sie au churz gschminkt und d Frisur gmacht. Denn hend mis Mami und mini TZ mir is Chleid ghulfe  isch scho schön gsi. Eusi Kids sind denn durecho und sie hend so herzig usgseh  denn hemmer no de Zettel vergesse mit de TZ druf und mini TZ isch nomal schnell i d Wohnig de go sueche. Taxis hend scho gwartet. Mir sind denn aber grad guet acho und hend no chöne e Prosecco ne vor de Kappelbrugg  denn sind mini TZ und ich uf de Kappellbrugg gloffe, all hend natürli gaffed und Sprüch bracht…mi GG isch sowas vo nervös gsi und au grüert. Er het mi glaub u schön gfunde  er isch so schön gsi mit sim Azug  hanen ja scho gseh gha aber sis gsicht isch unbezahlbar gsi .) hend üs de küsst und umarmt und sind natürlich gföteled worde dezue, lustig gsi. Bim durelaufe is Rathus hend alle klatsched und ta, mir hend eus vergrölt. X - Touriste hend eus gföteled, nid normal. In luzern hets ja amig u vill. Vorem Rathus hend denn all scho gwartet, oder fast. S Omi vom GG het brüeled wo sie mich gseh hät, bi abe. Denn simmer ine saal gfüert worde und sind gnau 49 gsi. 50 lönds ja ine nur..glück gha. Sie het denn no chli übers Rathus gschwätzed und mir hend halt eifach gwartet. D Trauig selber isch halt e ziviltrauig gsi, mir hend d Beamtin davor no nie gseh der gsproche, drum hemmers au eifach chli la über eus erga. Sie het ja nid chöne wüsse dass mer scho 14 jahr zäme sind und das wo sie seit isch halt eher für lüt wo nid so lang zäme sind. Teilwis simmer eus vorcho wie am erste Eheberatigsgspröch   aber womer denn ja händ müesse säge, luut und dütlich, simmer beid relativ emotional gsi. Mi sohn isch denn scho det gstande mit de ring, s töchterli het er vergesse mitzne. Er isch so nervös gsi und hets wele guet mache. U schnüsig  mir hend denn beidne no e schmutz ge und d ring agleit. Denn hemmer unterschribe und ichha natürlich fast mitem alte name haha  de kuss isch glaub ewig gange, unter tosende applaus  mir hend denn no es Herzli usgläse, au das isch witzig gsi will mi GG und ich scho vorger gseit hend mir nehmed es rots  (d beamtin denn so : ersti gross gmeinsam entscheidig sig au über d bühne jetzt..hmmm ja klar hend eifach zwei chind scho zäme  isch halt so wenn standesamtlich tusch. )
Nacher het au no mis Mami es tränli bim gratuliere gla

• Zitieren

Mir hend denn no fotis gmacht allei, mitem Banner, das isch so schön gsi. Mir hends halt eifach mit de fotografin u lustig gha und underenand hemmers ebe au immer cheibe glatt mi GG und ich  isch eifach lustig und schön gsi. denn mit Mamis, Kollege usw. nur mit de Chind hets nid so klapped-die hend doch nid möge. Mir hends denn aber au nid uf biege und breche gmacht, ha langsam au nüm möge  ha lieber d lüt wele gnüsse. Das isch s allerischönst gsi am fescht, alli lüt womer gern hend mal da z ha. Has sicher 10x gseit  d candy bar isch au super acho. Vereinzelti lüt hend gfragt weg de deko und de candybar wo ich das bstellt heb  denn hemmer denn no dörfe uf d bühni, s rezeptbuech entgegene, wo mega schön isch. Eus hets fast d sprach verschlage, sie hend sich all so müeh ge. Mi GG het denn no chli öpis gseit und ich au und denn het de verastalter gredt. Alles sehr easy und nid stief, het mer gfalle  natürlich het er gseit eini vo de schönere brüut, all hend denn gjohled aber ich glaub das seit der jedere haha  de hemmer denn dörfe esse. Isch u mega fein gsi  ha eigetli normal gesse, gar kes problem. nacher hends mer denn grüeft für de strusswurf de hani dörfe uf d terasse ufe go werfe. Mi schön struss, vill hani nid gha vo ihm.  mini kollegin vo luzern heten aber gfange  isch cool gsi mitem lied wo ertönt isch „beyoncé – all the single ladies“  denn chli spöter hend all wieder müse uf die ander site, turte isch cho  de isch cant stop loving you vom jackson gloffe. Hüehnerhuut feeling ich sägs eu. E hammer turte und mega fein. Weg de hand, zerst ich obe und denn für de rescht mi GG .) so stimmts  denn hends eus no grüeft für i partyruum…de tisch ufem beamer e präsi gloffe vo eusere kollegin, s gotti vo de chline…mit fotis vo afang a vo eus und de kollege mit textli und eme übergang vo de lange liebi uf eusi zwei wundervolle chind…det hets mi gno, isch fertig gsi haha  ha brüeled und die öpe 10x umarmt  mega schön vo ihre. Isch so zitufwändig und s git no es fotibuech ! mega herzig..irgendwenn hemmer denn no LED ballön ufegla, das het meega toll usgseh  hend aso recht gnueg programm gha, grad recht ! und denn isch denn mal d party los gange. D musig vom apero und vom esse isch übrigens de hammer gsi. Hemmer aso guet gmacht mit de playlist  im partyruum sind vill go tanze, aber einigi sind au dusse i de outdoor lounge a tischli oder uf sofas ghöckled und d bar isch au det gsi. Mini kollege und die junge hend abdanced wie die wilde, ich natürli au. Mi GG tanzt ja so super und sexy, mir hend denn no e chline tanz anegleit z zweite (ich han eifach immer min rock i beide händ gha und umegwschunge, s gseht immer guet us haha). Ha mi denn mal umzoge und bi sowieso abem 21:00 barfuess gsi haha. Ha aber zwei schueh gha.  drum, s lohnt sich gar nid sones drama z mache um die schueh  ich vor allem wo nie öpis gfunde gha ha haha 
Am 3.30 isch es denn langsam z end gange und mir sind happy, mit ere schnapsfläsche und em gschänkkoffer is hotel gfahre worde. Bin denn no in whirlpool  Am morge hets denn no e mega herzige Brunch ge mit de familie, aber ha nid soo vill möge esse. Isch denn no chli stressig worde mit packe und dere kamera zrugbringe (ha müesse alüte dass mis mami sie statt am mentig am zistig bringt und ha denn grad no chli gmötzled, siehe da d chefin het mim mami de gsamtbetrag zruge !) und denn hends alles gholt i de villa und mir hend eus denn no vo de kids verabschieded und sind a flughafe mit minere TZ 
Es isch eifach nume traumhaft schön, es magischs fescht gsi und mer werdeds nie vergesse 
Vil hend eus gseit das sigs schönschte hochzit wo sie je gsi siged und all hends u guet gha mitenand  d gardenvilla het natürli ihre teil dezue bitreit. 
Am petrus au no e spezielle dank  leider gahts so schnell verbi.
Sodeli das wärs gsi…

• Zitieren