hey lula

ich ha nid mitbecho warum du dini TZ häsch müsse wechsle ? bisch etz z fride mit de neue ? :)
gaht ja grad gar nüm lang bi dir heieiei :-)

bald chömmer en bricht läse juhu

• Zitieren

Lula just married !!!
Han geschter ganz fescht a dich denkt und hoffe sehr ihr hend am 13. und am 15. en wuuuunderschöne Tag verbrocht. Freu mi uf din Bricht!

• Zitieren

Bi öich ja no mini Brichte schuldig

Hie afe mau dä vom zivile, ha ou ersch afe derte dFotis


13.03.2014

Nach am ne stressige Tag u am ne sehr gmüetlech Obe si mir de iwenn is Bett, u hei zur Vorsorg dr Wecker uf di achte gstellt. Aso ämu ig... GG het dr ganz Vormittag quasi frei gha.
Mir si de nach no chli Gequatsche ou guet u schnäu igschlafe u de pünktlech zum Wecker umi verwachet. Hei de dr no chli blödelet u i bi de närne mau uf, ga zMorge zwäg mach u GG isch unter Duschi u ga rasiere.
Mir hei de närne chli was gässe, u de het er deheime no chli was knuschtet u i bi ga dBlueme reiche, ha die umi hei ta wo GG u ig üs herlech hei verchlüpft... u bi de ab zum Coiffeur. Aber iwie immer no nüt nervös. Ha de auerdings mim GG müesse alüte, wüu i dr Haarschmuck ha vergässe (wo mir de närne glich nit hei dri ta, es het eifach nit guet usgseh) Mini Coffeuse u ihri Chefin hei sech herrlech drüber amüsiert, aber ou wie nit nervös i bi gsi.
Ca haubi-viertu vor zwöufi bi ni de umi deheime gsi, wo mir de beidi i Rueh no eis grouckt hei u dRueh zwöit no chli gnosse.
Iwenn si mir üs de ga alegge, u wo mir dusse dSache is Outo hei ta, isch de ou no gad ar Turtefrou ihre Maa cha u het üs dHochzytstorte bracht, wo mir die hei verrumt hei mir gad gseh, dass GGs Götti isch acho, mit fasch 1,5 Stund verspätig, sie hätte eigentli mit GGs Mami wöue zMittag ässe. Iwenn het de no GGs TZ aglüte, wüu er het wöue wüsse, wie chique mini TZ agleit isch, wüu er nit het gwüsst was alegge
Kurz drufabe isch mini TZ u ihre Maa cho u de het si de no üse Tisch wunderschön gschmückt. Mir hei de no aus us-, um u iglade. U wo mir gad überleit hei, ob mir mim Vater wei alüte, isch er de ou gad ume Egge cho. Mini SchwieMu isch am ume hüenere gsi, u am stresse, das mir jtzt müesse gah, etc, drbi si mir so was vo optimal im Zytplan gsi!
Mir si de närne i zwöi Outos zum Träffpunkt mit GGs TZ gfahre u vo derte ah mir 3 Outos unterwegs gsi. Unterwegs hei mir de no zOuto mit sim Götti u de Eltere verlore, di hei de ne andere Parkplatz gno aus mir. zLangnau si mir natürli viu zfrüech gsi, si de afe iche ga gugge, aso GG u ig, u de hei si gmeint, es segi guet, aber si wäri froh, wenn mir no gad chönnti dusse warte, isch ja bi däm Troumwetter kei Problem gsi. Hei de dusse no chli dSunne gnosse, u de isch de no sini beschti Fründin acho. Wo mir de nach dr vribarte Zyt umi iche si, ehi si no üser Date kontrolliert u üs de i Wartesaal gschickt - läck, dass isch mir vorcho wie ne Ewigkeit...
dTrouuig säuber het mi mega schön gmacht dünkt, si het das würkli super gmacht! I ha natürli bi GG di fausch Hand verwütscht, mir hei ja dRinge rächts wüu er links mit am Ringfinger nit cha.
U es isch mega härzig gsi, dä Spruch, wo mir eigentli am kirchleche hei wöue, aber vor Pfarrer us nit hei dörfe, wüus kei biblische isch, het si de am zivile vorglese Es isch so mega schön u speziell gsi!!
Ja, närne dGratulatione u nes mega härzigs Apero im Kofferrum vom TZ!
Mir si de witer Richtig Schützehuus ga schiesse.
U de närne zu üs hei, zApero vor TZ ga gniesse u dGrille afüüre fürs Znacht. Es isch super gsi.
Mir hei vo mim Vater u mire Stiefmuetter so zwöi mega härzigi Söuli brcho, wo dür ne "Schnuer" verbunde si, aso me zieht se usenand u si suge de umi ah
U de isch no üsi super mega feini Hochzytstorte cho!!!
Es isch so ne wunderschöne, genial schöne Obe gsi!!

• Zitieren

dTischdeko




üsi megafeini Torte




dTortefigur




u de no agschnitte

• Zitieren