Gratulierä!!! und merci für dä schön bricht und d Föteli...

• Zitieren

Danke viel mal eu allne :)

• Zitieren

manokasa i gratuliere der ond din maa zor hochzit!!! ehr send es sooones herzigs päärli ond du hesch super usgseh!!! wönsche euch dass euri "gross" hochzit au so schön wird wis zivile!!! wökli e mega herzigi Familie send ehr!!! ;)

• Zitieren

Herzlichi Gratulation! Alles gueti! Danke für de Bricht und die schöne Föteli, ihr gsehnd so glücklich us!

• Zitieren

Ich bin no z erschöpft zum en grosse Bricht schriebe aber ich möcht allne Brütli eis as Herz lege: Wen ihr viel Sache selber mached, lueget daser die vorher scho machet.. Ei Wuche vor de Hochziit het bi mir de grösti Stress ahgfange und ade Hochziit selber bini den eifach nur no kaputt gsi.. Ich han s gfühl ich hans gar nid so chöne gnüsse! Aber t Gäst wüssets zschätze. Ich han so viel kompliment für mini deko becho und anschiinend het mer gseh, dass ich mir fest müeh ge han.. Das hani ja au welle! T Gäst hend halt eifach viel meh vom Fest ga als ich..

Aber es isch en schöne Tag gsi! Seeeehr heiss (mir isch de Schweiss nur so t bei durab) aber natürli besser als rege! Mir hend mit all eusne liebste chöne fiire und das freut mich.

Ich bin scho am 06.00 verwachet, bin go dusche und han mini Nägel gmacht. Derna bini mini blueme go hole und han no müsse linse chaufe. Mini TZ und BJ sind i dere Ziit scho bi Coiffure gsi. Am 10ni bin den au ich dra cho. De Fotograf isch au uf die 10ni cho und het den das ganze gad gföttelet. T Frisur isch okay gsi. Het mi nid vom Hocker ghaue aber ebe okay.. Derna am halbi 12i simer den alli zu mim Mami hei und hend zerst mal chli lasagne gässä. Derna hemer eus parat gmacht und de Fotograf het gföttelet. Denn isch scho 13.45 gsi und min Vater isch ahcho. Mini Muetter, t TZ und BJ sind is Hotel gfahre (vo det hemer für alli gladne gest an bus zur chile ga) min Vater und ich sind aber viiiiel zfrüeh dra gsi, drum simer ine Beiz eis go trinke. In voller Montur Am 14.45 isch den eusi Limusine cho und het eus zur chile gfahre.
Mir hend ja zwei Ringträger ga (1&2 Jahr alt) und es Bluememeitli (1 Jahr alt). De Chileihzug isch chli es chaos gsi, aber was erwartisch vo so chline chind? Ich han nur nach mim Schatz usschau ghalte und wonen gseh han hemer nur glachet.. Wills entli so wiit isch und au weg dem Chinderchaos.. Ich bin so froh gsi, bini endlich bi ihm gsi und han chöne sini hand hebe. T Trauuig ish sehr schön gsi, s hend sogar alli lüüt ide chile mitgsunge. Euses JA isch klar und dütlich gsi und es het sich eifach alles richtig ahgfühlt :) Ja und derna hemer den zwei Stund Apero ga und sind nacher uf Rappi go Föttele.
1 Stund spöter het eus t limo is Hotel Plaza gfahre womer no gässä hend, spieli gmacht hend, chueche ahgschnitte und tanzet. Am 12i simer no go Himmelslaterne go ufelah wo sich min Maa den leider no t hand fest verbrennt het Mir hend bis am halbi drü gfiiret und sind den sehr müed aber glücklich in eusi suite.

Min Bricht isch chli spärlich, sorry! Ich mag nonig eso.. Poste drum eifach es paar Bildli vo de Gest für eu: :)

• Zitieren

Merci för din bricht und d Föteli! Besch en mega schöni Brut gsi!

• Zitieren