wow nemo, bombe dini frisur, und all die sache wo du so liebevoll und detailverliebt baschtlet und vorbereitet hesch! do chumm ich mir grad blöd vor

dis mami isch mega härzig, das isch jo uhh lieb dass du alles bis sogar ufs diadem überchunnsch!!!

• Zitieren

nemo dini frisur gseht super us!!! gfallt mer megaa guet und stoht der ganz toll!!! au was weder alles bastlet hesch.. wahnsenn!!! die tischnummere met de puzzle teili gsend mega lässig us!
cool weder mol es reese update i dimthread! ;)

• Zitieren

So, jetzt mueni das natürli da au no vervollständige...
Das sind d'resultat vo mim bastelnamitag:

Eimal d'Cardobox:

und eimal d'girlande wo as candybuffet chunt:


morn gangi denn no id ikea, hoffe ich finde en schöne bilderrahme für de sitzplan. han jetzt hüt mal no im hotel agfröged, ob sie e staffelei händ zum de druf stelle. suscht mueni denn hald no wieter luege...

• Zitieren

uups, jetzt hani ersch gseh dasses zweimal das bild vode girlande ineta hät....
also nomal.
das wäri cardbox:

• Zitieren

jetzt muenis da hald au no schnell ine tue...

han grad no bitz (us luter langwieli, nei nie...) eusi cardbox verschöneret. da sich jetzt s'endresultat:

Zuletzt bearbeitet am 16.08.13 13:35

• Zitieren

Langsam aber sicher bini recht nervös...
Gester hani mini ersti richtigi Kriee gha
han gseh dass am Wuchenend s'Wetter schlecht wird. Bin mega trurig.... ich weiss es wird trotzdem u schön und es mega Fäst, aber es mag mi hald trotzdem mega. Hoffe eifach de Bricht stimmt nöd. Jetzt isches de ganz Summer so wunderschöns Wetter gsie und genau a eusem grosse Tag schiffets
Ja nu, chammer nüt mache, isch hald jetzt leider eifach so... hoffe es chunt denn andersch!

Nebst dem dassi mini chli Kriese gha han, hani fliessig wieter gamcht mit de letschte Vorbereitige.
Gester hani mit mim Mami die Guetzli bached und dekoriert, wo denn d'Nameschärtli ufem Tisch werded sie. Mir händ für jede Gast eis beschriftet und verpackkt. Fürd Manne mitem wiesse Schleifli und für d'Fraue mitem rote.
Han u freud a dene, sind cool worde.



Denn hani no s'Notfallchörbli fürs Fraue-WC gamcht. Fürd Manne hani jetzt gliech keis gmacht. Denn hani no eusi Tanzschueh beschriftet... jetzt chas eigentli los ga!!


Gester Abig hämmer denn no s'letschte Treffe mit eusne Tätschis gha. Sie händ jetzt au das ganze mitem Schüfeli, Rächeli usw ufglöst. Mir händ gester es Rosestöckli übercho, wo mir müend pflege, wie mir eusi Ehe au müend pflege. Händ e Ahleitig dezue übercho, meeeeeega herzig Die zwei Buechstabe, wo für eusi Näme stönd, sött mer irgendwenn vor luter Rose nüme gseh, das isch s'Ziel


I mim Endpurt chunt jetzt eigentli nur no easy Programm uf mich zue.
Hüt Coiffure, morn Nägeli, Wimpere und Braue färbe und Pedicure und am Frietig wird packt und denn gahts los nach Lenzbug.
Mini TZ und ich schlafed ja scho am Frietig dehte.
Ich freu mi sooooooo riesig uf euses Fäst, dasses endlich sowiet isch!
Jetzt muen eifach s'Wetter bitte sowiet hebe, dass mer wenigstens de Apero und viellicht no paar Fotene chönd dusse mache.
Aaaaah und denn hani no mis something old, something new usw... bröschli gmacht.

So mini Liebe, jetzt mueni los, damit ichs au pünktlich zum Coiffure schaffe....
Schöns Tägli!!

• Zitieren