Hi Ladies

S’lange Warte hät ändlich es Ändi, morn flüg ich mit mine 12 Ladies uf Las Vegas zum mis bisherige „ledige“ Läbe so richtig gebührend z’verabschiede! Ich freu mich wie es chlises Chind und chans echt chum erwarte, bis mir morn Morge im Flüger hocked....

Die Zyt isch jetzt so schnäll verbi gange, ich han immer gseit, wänn de 2. Oktober vor de Türe staht, dänn gaht alles ruckzuck. Und so wird’s vermuetlich au si.... Nach de Polterwuche in Las Vegas flüged mini Ladies und mim Schatz sini Jungs back home und mir werded no die letschte Ferie als unverhüratets Päärli gnüsse. Wänn mir zrugg chömed, gahts no zwei Wuche und s’zivile staht vor de Türe, also genau hüt ime Monat!

Ja Ihr gsehnd, au bi de letschte Bruut vom 2010 gaht’s jetzt langsam aber sicher los! Ich tuen mich jetzt drum für die nächste zwei Wuche us em Forum verabschiede und wird Eu dänn ganz bestimmt vo Eusere Polterwuche i dere crazy Stadt brichte ;o)

Mached’s guet und bis gli

Nimbini

Zuletzt bearbeitet am 20.12.2010

• Zitieren

Hey Nimbini

wünsche euch ganz viel spass, geniesst es und versucht euch auch noch ein bisschen vor zu erholen!!
übrigens noch danke für deine nachricht, werde mich bald möglichst melden!!

liebe grüsse
die andere winterbraut ;-)

• Zitieren

Hej Nimbini

Ich wünsch dr au vil Vergnüege in Las Vegas! Lasst es krachen

Liäbs Grüässli

##10 Juni 2010 -- 10 Juli 2010 2 perfekti Täg##

• Zitieren

Liebi Nimbini
En guete Flug, e super schöni Polterwuche u wunderschöni Erlebnis, schöni Ferie u viel Erfolg bi allne Vorhabe , das wünsch i dir.
Gnüss LasVegas u natürli bin au i nachher gspannt uf Bricht u Bilder

Ganz ganz liebi Grüess
Soraya

• Zitieren

Hi Ladies
Jetzt bin ich also wieder zrugg vo minere Polterwuche in Las Vegas und es isch eifach nur e geniali und unvergässlichi Wuche gsi! Am 2. Oktober händ mir Eus am Morge früeh am Flughafe Chloote troffe und mini Ladies händ alli ganz cooli, schwarzi T-Shirts agha…. Ich han dänn drü Päckli übercho und s’erschte grad emal dörfe ufmache und det häts für mich es pinkigs T-Shirt drin gha! Mini Polterwuche han ich unter em Thema „Mission Las Vegas“ ufzoge und so sind mir alli mit Miller’s 13, Mission Las Vegas und Agent „Name“ agschriebe gsi mit eme coole Print vom Vegas Sign! Nach em ichecke sind mir dänn durch Passkontrolle und det han ich mis zweite Päckli dörfe öffne, en absolut peinliche, knallgrüene Cowboy-Huet, tja so simer dänn definitiv ufgfalle am Flughafe und vo allne aquatscht worde! Dänn simer zu de Sicherheitskontrolle cho und ich han s’dritte Päckli müesse uf em Band durelaufe lah und ich han ja scho vermuetet, was det drin isch! Prompt hät mich die Security dänn aghalte und mir gseit, ich müessi das dritte Päckli öffne, sie wüssi aber scho, was drin isch! Jaaaa ich hans ja eigentlich au gwüsst, hihi! Also hani das Päckli unter luutem Gelächter und unter gwundrige Auge vo andere Passagier göffnet und prompt isch en riesige, rosarote Vibrator drin gsi, hihi mir händ alli nüme chönne! Han dänn de welle de Security abgäh, aber die händ de eifach nöd welle und somit hani das Ding in Flüger mitgnoh…. Det hämer natürlich es mega Chäferfäscht gha, sind 9 Fraue gsi und 4 Manne…. Die restliche Lüüt hämer dänn no i de USA troffe, die sind scho det gsi am Ferie mache!

Nach guet 15 Stunde Flug simer in Las Vegas acho und natürlich im Mission Las Vegas-Style empfange worde am Flughafe. Mir Fraue sind dänn is Luxor go ichecke, während d’Manne i dere Wuche im MGM gwohnt händ…. Sind dänn no mit de Manne go ässe und natürlich hämer no müesse durchs idrückliche Cesar’s Palace stöbere und de eint oder ander Dollar müesse id Spielautomate lah und so simer bereits am erschte Abig relativ spat is Bett…. D’Weg vo Manne und Fraue händ sich jetzt aber definitv trännt gha bis Ändi Wuche (was sicher au besser gsi isch so, hihi)…. Mir händ die ganz Wuche mit Parties, Shopping, Sightseeing, Ässe, lache, tratsche, Heliflug zum Grand Canyon, Show „Le reve“ etc verbracht und es isch eifach nur mega gsi und trotz dene viele Fraue häts keis Gezicke gäh, eifach perfekt! Und das obwohl mir so en bunt zäme gwürfletet Huufe gsi sind… Wämer mal 5 Stunde Schlaf übercho händ, dänn isch das scho sehr viel gsi, meh hämer definitiv nöd gschlafe pro Nacht ;o)! D’Amis sind übrigens total genial, wänns ums hürate gaht, wänn die mitübercho händ, dass ich Bachelorette Party han, händ sie mir alli gratuliert und ich han gratis Chai Latte gha im Starbucks, gratis Vodkas i de Clubs etc…. Bi de Amis hät glaubs hürate würklich en viel höchere Stellewert als bi Eus, scho no cool….

• Zitieren

Das tönt ja mega Nimbini.
Tönt nach 2 hammer Wuchene. U sogar das mit em Chleid het klappt. U i 2 Wuche isch es scho so wit u t vorwiehnachtszit rückt au immer nöcher. Hoffentli hesch di guet erholt, es schint der i negster Zit de nümme langwilig z werde
Ganz liebi Grüess
Soraya

• Zitieren