Hallo Nimbini

Härzlich Willkomme unter de Ehefrau En super schöne Bricht, dannge vielmol.

Griessli Amiga


**Glückliche Ehefrau seit dem 25.06.2010**

• Zitieren

Liebi Nimbini

Viele Dank für dä wunderschöni Briicht und herzlichen Glückwünsch.

Freu mich schon auf mehr

Lg Palchen

@-->-- Zivil 20.05.2011 --- Freie Trauung 28.05.2011 --<--@

• Zitieren

Liäbi Nimbini

En wonderschöne Brecht! Han sälber fascht müesse afoh brüele bim läse.
Gnüsses ond no e schöni Vorbereitigszyt!
Werde am 18.12 a dech dänke, mer fahred nämmli a dem Tag i eusi Flitterwoche

Liäbs Grüässli Glöggli
....glöcklich verhüroted set em 03. Juli....
stolzes Mami vom Julian set em 24.02.2008

• Zitieren

Hallo Ihr Liebe

Also zerscht mal no viele herzliche dank für eui liebe glückwünsch! Mir sind jetzt also scho sit 11 täg verhüratet und ich muess säge, ich realisier’s immer nonig so ganz. Ich gib mir zwar alli müeh, s’telefon mit em neue name abnäh, aber fühle mich irgendwie no rächt fremd, wänn mich öpper mit em neue name aspricht. Mini bürogspänli mached au immer witzli und säged mir de nachname, die händ das irgendwie scho viel meh intus als ich ;o)

Ja uf all fäll simer langsam aber sicher im endspurt. Mini accessoires hani langsam aber sicher alli zäme. Letscht wuche isch no min sälber kreierte birdcage veil us de usa cho! Ui ladies, wo ich die huetschachtle ufgmacht han (er isch so liebevoll verpackt gsi, sogar es chärtli vo ihre wo en gmacht hät, häts debi gha), sind mir grad träne cho! Er gseht genau so us, wie ich’s mir immer vorgstellt han und ich bin soooo happy, dass ich de birdcage veil i de usa han mache lah, er isch eifach perfekt. Wie’s de zuefall so will, han ich dänn im internet au no e siite us UK gfunde, wo ich min schmuck i de passende farbe han chönne herstelle lah... uf de muessi allerdings no öppe 2 wuche warte, bin dänn sehr gspannt, ob de au so wird, wie ich’s mir vorgstellt han! Ui ich säge eu, ohni onkel google wär ich während de ganze hochzytsvorbereitige voll ufgschmisse gsi.... was mer jetzt no fehlt isch es fellbolero (hani eis aprobiert im chez janine, aber das treit so schrecklich us und ich gsehn us wie en sumo-ringer, hihi) und mit de schuehlösig bini au nonig ganz happy! Han ja mini schueh au in uk bstellt und sie sind wunderschön und perfekt vo de farb her... aber irgendwie hani würklich bedänke, dass ich de ganzi tag uf dene mag stah (usser wänns schneit gits no boots), vor allem sinds vorne offe und ich hett eigentlich lieber gschlossni gha... aber schueh i dere farb finde isch momentan echt schwierig und ich weiss nöd, obs mir no langed, en rainbow-schueh ifärbe z’lah, das wird jetzt scho langsam e chli knapp, hm.... blöd!

Uf all fäll hämer jetzt au de dj no definitiv buecht (händ eus für de dj benz entschiede, han ich da us em forum usepickt uf viele empfehlige), dänn hämer eus yummy cupcakes bstellt, die sind soooo fein, es träumli, freu mich sehr uf die dinger! Und last but not least hämer eus ändlich no chönne für gastgschänkli entscheide... für d’manne gits e tasse gfüllt mit eme päckli heisser schoggi (wo dänn eusi näme und datum druf sind) und für d’fraue gits es buechzeiche in form vome schneestern! Bin mal gspannt, wie das dänn achunnt bi eusne gäscht! Bstellt hanis übrigens, wie chönnts au andersch si, i de usa, hihi! Ich säge ja, ohni internet wäri echt ufgschmisse gsi bi dene vorbereitige.... ach ja und eusi moneybox isch au in bearbeitig! es git e winterwonderland-moneybox (danke soraya für die super idee).... e bruuni box mit türkis schleife (eusi farbe) und uf de siite chömed dänn iiszäpfe abe und obe druf gits schnee mit watte und dänn det so ästli, schneesternli, e üüle (eule) und glitzer...... so han ich das im chopf *freu*!

Ja, jetzt muess ich also no 22 täg schaffe und dänn hämer ändlich 5 mönät ferie! Phuuu wie ich mich uf das freue..... bin ehrlich gseit au nöd bös, wänn dänn die ganz vorbereitig emal ume isch, so schön das au isch, irgendwänn hät meh’s glaubs eifach gseh und freut sich, wänn dänn DE tag ändlich vor de türe staht.....

Liebi grüessli vo de letschte 2010-bruut

Zuletzt bearbeitet am 11.11.2010

• Zitieren

Liebi nimbini

Au vo mier alles gueti und no en schöne Endspurt!

Het eigetli mit de Bstellige us de USA immer alles riibigslos klapped? Mier werded üs au gwüssi Sache dötte bestelle. Wie isch es mit em Zoll? Isch de sehr tüür cho?

Liebi Grüessli
coco

Wir freuen uns auf den 23.07.2011

• Zitieren

Hallo Nimbini

Als Gast lese ich ab und zu noch Berichte und freue mich mit allen. Besonders Dein Bericht ist mir zu Herzen gegangen. Nun wird also Deine Winterhochzeit,Wintermärchen wahr. Ich wünsche Dir alles gute dieser Welt,viel Schnee und Sonnenschein zugleich.

Auch ich werde an Eurem grossen Tag an Dich denken.

Geniesse es

• Zitieren