Übrigens, Euse super Hochzyts-DJ, de DJ Benz hät Eus bereits es Video gschickt mit es paar Usschnitt und em Schlussbild vom härte Kern, wo bis z'letscht usghalte hät.... Ich möcht Eu das Video nöd vorenthalte, da mir würklich absolut begeisteret sind vom DJ Benz, er isch würklich top und alli, wo Ihn buecht händ, chönd sich glücklich schätze, superschnälle Service, es mega sympathisches Ufträte und eifach en geniale Typ! Thanks a lot.....

http://www.youtube.com/user/diehochzeits...u/6/KBQGtmzhbnE

• Zitieren

hei nimbini,

wow din bricht isch so toll gschribe - das isch würkli en winter-märli-hochziit gsih. wet der und dim gg a dere stell noh vo härze gratuliere!!!

gniessed d`erinnerige a dä perfekti tag und lönds üch uf üchere 4-monatige-reis lah guet gah.

jetzt isch es auso amtlich: alli 2010-ner forum-brüütlis sind under de huube. öisi liebi nimbini hed de krönend abschluss mitere ganz und gar wiise hochziit gsetzt.

grüessli a alli 2010-er-forum-brüütlis -> bsunders a dich nimbini

• Zitieren

Hey Nimbini

I bi sprachlos: WOW! isch zeinzige wo mir i Sinn chunnnt!

Gniess dini erschte Täg als Ehefrou! Und vergiss nie dä ungbloublech schön Tag, mit däm wo dir id Ehe heit dörfe starte!

Lg *schanine*

... wir lieben uns und sagen JA ... am 28. Mai 2011 ...

• Zitieren

@nimbini

Ech gratuilere euch ganz herzlich!
Din Bricht esch mega schön, freut mech riisig das ehr euches Traumfescht hend dörfe ha!

Wönsch euch nor s'Beschti ond en schöni Hochzitsreis!


~°~°~ Liebe ist.... der 25.08.2012 ~°~°~

• Zitieren

nicht registriert

Liebi Nimbini...grosses Kino zum Abschluss der 2010er Brautpaare hier im Forum....

Ganz lieben Dank für deinen herzlichen Bericht, man kann es sich richtig vorstellen. Ich wünsche euch von Herzen alles gute auf eurem weiteren gemeinsamen Weg...

Ich freu mich jetzt schon auf eure Fotos! Danke im Voraus

Ganz tolle Flitterferien, alles Liebe Lg Franziska
26. Juni 2010, unser schönster tag.....

• Zitieren

ihr liebe

ich danke eu allne ganz herzlich für die liebe wort und die viele glückwünsch! ich bin immer no hin und weg und warte scho sooo gspannt uf eusi föteli! es paar erscht vom dj hämer scho gseh, es wird grad alles irgendwie würklicher, wänn meh mal die erschte bilder gseht.... die vom fotograf chömed aber sicher au bald!

eigentlich sötti mal langsam afange packe, aber irgendwie chan ich gar nonig rächt glaube, dass mir nach de wiehnacht für 4 mönät abschliiched.....

@nzwedding, mir händ scho im unterland gfiired, in wil sg und am rhiifall, aber glücklicherwiis häts ja au da une gnueg schnee gha, obwohl ich mir das nie hetti träume lah.....

@carmile schön, dass du au ab und zue no im forum ineluegsch, danke dir herzlich für dini glückwünsch!

@bride81, mir flüged nächste zischtig ab uf vietnam, dänn vom norde in süde, übere nach kambodscha, uf nach laos, thailand vom norde bis in süde und dänn no es paar wuche indie! freu mich so fescht, au wänns mir gar nonig bewusst isch, dass mir bald solang weg sind.....

@belle, während mir sind go fötele, händ eusi gäscht no e stund witer gaperölet, bi eus känned sich relativ viel lüüt und so hät das grad passt! Wo mir dänn bim schloss laufe acho sind und nomal e stund sind go fötele, händ eusi trauzüge eusi gäscht unterhaltet und händ mit ihne „baschtlet“. Händ himmelslaterne beschriftet und föteli gmacht für es gästebuech….

@taiga, chasch dich ächt glücklich schätze mit em dj benz! Er isch de hammer und meh merkt, dass er sin job us lideschaft macht, mir sind eifach nur begeisteret vo ihm!

• Zitieren