Dr Titel seit scho einiges aber ned gnueg...

Darum möcht ich Üch gern bi mine HZ Vorbereitige teil ha loh und uf em Laufende bhalte.

Am 27. September wird gehüratet.Mer werde Zivil hürate und zwar am Blaussee in Frutigen Bern.

Das ganze Fest wird am Blaussee stattfinde,da nebt em See s'dazughörige Hotel stoht.

s'Thema vor Hochzyt isch "Chic & Sexy"

Warum?

Mir wend chli eh wilde und liideschaftliche Tag ha,ned zu eifach und schlicht.
Chic staht für Stil und Eleganz und Sexy für Wiiblichkeit und Liideschaft.
Das ah dem Abig bzw. Tag alli Fraue chli die angeri Siite zeige chönd und ihrne Manne dr Chopf verdreihe...so wie ich das mache wird.
(Das ganze wird eh karibische Flair ha will ich zur Hälfti Dominikanerin bin.)

Mis Bruutkleid ha ig im Januar ZORO usgsuecht. Es schöns Spitze-Tüll Chleid vo Pronovias(Modell Donaire).Min GG wird sin Ahzug oh vo det bsorge,so das es schön passt.

Und üses Fabrkonzept wird Violett,Altrosa,Grau und Schwarz si.

StD Karte,Iiladie,Tischkärtli,Menükarte,Dankeskarte wird alles einheitlich si,aso alles glichs Muster,Farb,Schrift...(siehe Farbkonzept)

Deko

Uf de Tische wirds ir Mitti viel Kerze geh,i verschiedene Grösse und Farbe. Eich gits ke Blueme nur Blüeteblätter vo de Hortensie(<--- bi na unsicher vor Bluemewahl) De wirds na Kristallsteinli gäh i schwarz und violett.

Bim Bruutstruss weissi oh no ned gnueg wie de usgseh sell aber ich wird sicher bir Gärtnerei Frieden in Wange mache loh.

Unterhaltig

Mir werde eh DJ vo Swiss DJs ha. Bi froh dasmer eine hend wo au dominikanischi Muusig kennt und spiele loht. Mir ischs sehr wichtig,grad für mis Mami und minre Tante dases chli vertrauti Muusig git. Isch ja au hammer wend chli Bachata,Merenge,Salsa... louft

Üse wichtigsti Punkt ar Hochzyt isch dr Fotograf.Da simer richtig happy hemer de dörfe ha.
Dr Magnus Bogucki,superschöni und vielfältigi Bilder heter. Er wird ca. 9 Stund bi üs si.

Eh grosse Wunsch vo mim GG si Kongming Laterne.Wunderschöni Idee,het mi grad begeisteret! Und i denke am See wird das es super Ambiente geh wenn die uehstiige.

Esse

Es wird kei Buffet geh sondern Tellerservice.Aber was für eh Menu,stoht no i de Sternli.
Im März gönd mir für 2 Täg a Blaussee und werde de mit üsre Ahsprechsperson das ganze düregöh.

Turte werdemer vom "Les Gourmandises de Miyuko" mache loh. Ich liebe das Cafe und chans jederer Dame hie im Forum empfehle.Superfeini spezielle Chuechevariatione. Und Turtene si eifach eh Wucht!


Süsch so heimer üs au scho für Ringe entschiede vo Rhomberg. Zwar us Karbon und Rotgold.Dr Damering het no rundum,ar Siite Brilliante.

Und ich han nach langem Sueche endli eh Coiffeur gfunde wos Make Up und Frisur direkt im Hotel mache wird. Bi so erliechteret,es het mi scho dünkt das es recht schwer isch beides zfinge wo no ir nöchi isch und eh gueti Arbet abliefert. Ha mich für Coiffeur Art in Thun entschiede,het öpper scho Erfahrige demit?

So das wers mal für dr Ahfang...

Im April folge de die offizielle Iiladige

(Im Ahhang hets no es Bild vom Chleid)

Zuletzt bearbeitet am 17.02.13 23:04

• Zitieren

Tönt super! Derfi fröge was ihr für de fotograf zahlet? Er macht so schöni bilder!

• Zitieren

Wunderschöns Chleid

• Zitieren

-->Valey
Ja aso dr letscht kontakt heimer gha vor 12 Täg und gester het min GG am DJ eh Mail gschriibe um sich zerkundige wies wiiter gheit.jetzt hoffemer mals best! I segs dir süsch mal wenn sie gschriibe oder telefoniert hei.Laufts de bi dir ned so wies set?

-->Manokasa
Schriibe dir eh PN!

Zuletzt bearbeitet am 18.02.13 19:06

• Zitieren

Aso süsch mal es Mail schriibe,denki wärs Beste!

• Zitieren

ja ha paar mal gschribe..

sarasina mer gohts genau glich...

• Zitieren