Liebi Dandi!!

I wünsche dir ganz e superschöne und wundervolle, gsegnete Tag Morn
Gniesses i volle Züg wüll die Lüt fyre nume euch Morn!!!

Freue mi scho ufe Bricht!

• Zitieren

Liebi dandi
Ich wünsch dir hüt en wunderschöne Tag! Jetzt wird endlich ghürate, soooo schön! Gnüß es! Ich Wunsch dir und dim Schatz alles alles gueti.

Und für Morn wünschi oi natürlich au grad en Hammer schöne unvergessliche Tag! S'Wetter isch ja scho mal perfekt.

Bin gspanne uf din Bricht.

Grüessli

• Zitieren

meine Traumhochzeit ist auch weiße Hochzeit

• Zitieren

hallo dandi!

danke vell mol för din brecht vom zivile!!! cha dini Nervosität scho noh füehle aber schön hender sone tolle tag gha! wönsche der ond dim maa alles gueti zor hochzit und för die gmeinsame zahlriiche johr!!!!

• Zitieren

Wow Dandi gratuliere dir au vo Härze und wünsche euch alles alles Gueti ! Ganz e schöne Bricht und super härzigi Fötelis, hei dis Hochzyytschleid esch jo de Hammer gsi, esch dir super guet gstande !!

• Zitieren

Kirchliche Trauung 17.08.2013

Mittlerwiile esch euse grossi Tag scho meh als ei Wuche vergange. Der Zauber vo däm tolle Tag hautet aber immer no chli a. Es esch eifach sone wunderschöne Tag gse!!! Mir si völlig überwältigt gse vo dene viele schöne Erlebnis und Überraschige. Es esch alles no vöu schöner gse, als mir eus das erhofft hei. Für eus eschs der PERFEKTI Tag gse!!!

Jetz aber vo vore:
Woni am Morge verwachet be, beni scho rächt nervös gse. Ha es ziemlichs kribbele im Buch gha und mis Härz het böpperlet. (Sogar weni jetz wieder dra dänke chomi grad wieder es kribbele im Buch über... ).
Am 8.30 hani bi der Kosmetikerin müesse si. Bevori usem Huus gange be, hei mi GG und eg eus no einisch fescht umarmt und hei eus aues Gueti gwünscht. "Mir gsei eus de i der Chile wieder", hei mer eus no gseit. Jööö, dört beni au scho wieder fasch vergiblet weni nume dra dänkt ha. Bi der Kosmetikerin esch de d'Närvosität scho ziemlich gross gse. Sie het mi de aber durch ihri ruhigi Art und der beruhigende Musig wieder obenabe gholt. Es esch richtig entspannend gse und e säge euch, nachhär beni völlig relaxt gse. Sie het mi würklich toll gschminkt. Es het mer sogar no besser gfaue, als bim Probetermin.
Nach der Kosmetikerin beni direkt zu der Coiffeuse gfahre. Dört het bereits mini Schwöschter (Trauzügin) gwartet. Sie het ihri Frisur au dört lo mache. Es het super usgseh! Mini Coiffeuse het öppe e Stund gha. Und au dört eschs wieder so gseh, dass ihre d'Frisur no vöu besser glunge esch, als bim Probetermin. Es het eifach so toll usgseh! Be völlig hin und wäg gse.
Nachhär si mir zäme i eusi Wohnig gfahre. Dört het bereits eusers Mami gwartet mit mim Brutchleid. Mir sie ufe Balkon ghocket und hei zäme Sandwich gässe. Eg be zwar immer no relativ relaxt gse, aber eg has eifach fasch nümme chönne erwarte. Vo mir us häts diräkt chönne los go. S'Chleid alegge esch rächt schnäll gange. Woni mi im Spiegel gse ha, hets mer fasch d'Sproch verschlage. Eg ha mi jo s'erschte mou gse mit allem zäme: Schminki, Frisur und im Brutchleid. Eg ha mi gfühlt wiene Prinzässin.
Öppe am 12.55 si mer mitem Auto id Chile gfahre. D'Trauig het jo erscht am 13.30 agfange, aber eg ha eifach nümme chönne deheime warte. Dorum si mer de scho losgfahre. Natürlich si mer vöu z'früeh vor der Chile gse. Zum Glück het euse Trauzüge das gmerkt und de het ers so chönne irichte, dass mir eus noni gse hei. Er het mim GG gseit: du darfsch jetz zum Car usstiege aber dörfsch eifach jooo nid links luege.
Sogar dört vor der Chile beni gar noni so närvös gse. Eg be eifach voller Vorfreud gse und has nümme chöne erwarte bis es ändlich los goht. Mi Papi het vor der Chile gwartet. Eg ha s'Gfühl gha, dass är vöu närvöser esch als eg. Jööö, so härzig!
Und de eschs plötzlich mega schnäu gange: mi Papi und eg si id Chile ingloffe. Huiiiii, dört hani fasch nümme chönne. Die ganzi Närvosität esch zrugg cho und het mi fasch erschlage. Läck han eg mi müesse konzentriere und eg ha gschnufet wie blöd. E ha gar nid gwüsst woni söu häne luege. Ha churz id Lüt gluegt und de hani scho öpper gse wo Träne i de Auge gha het. Schnäu wägluege, hani dänkt. Nid dasi de au scho fo afo brüehle. Und de hani dänkt: hei, du muesch füre luege, dört stoht di Ma! Eg ha das im Züg inne völlig verschwitzt. Hi hi hi. Und de hani ihn gse und de hani mi irgendwie grad sicher und ufghobe gfühlt. Das esch es wunderschöns Gfühl gse!
Mi Papi het de mim Ma no es paar Wort gseit. Das esch so rüehrend gse, wöu är het Träne i de Auge gha. Jööö!!! Eg be z'närvös gse für Träne i dem Momänt. S'erschte wo mi Ma zu mir gseit het esch: Hey, du gsehsch wunderschön us. Hammer! Jöööö, eg hätt ne am liebschte abknutscht. Und de het er mir gseit: Eg ha de im Fau Nastüechli derbi gäu. Jöö, das hani mega härzig gfunde. Er weiss jo, dass eg sehr schnäu Träne i de Auge ha.
Wo mer vore uf eusi Stüehl abghocket si hani extrem schnäu und fescht gschnufet. Das esch sogar de Lüt i der Chile ufgfaue, wie sie mir im Nachhinein gseit hei. Au mi Ma het immer wieder gfrogt: Gohts?
D'Trauig esch sehr schön gse. Euse Pfarrer esch sehr e lockere und er het das tip top gmacht. Mir hei immer wieder mou chönne schmunzle und das het guet do. Während der ganze Trauig hei mir eus d'Händ geh . D'Ringe het mim Ma sis Gottemeitli fürebrocht (mit Unterstützig vom Papi ). Das esch ganz härzig gse. Eusers Jo-Wort esch lut und dütlich gse. Ha vorhär äxtra no mou ghueschtet, dasi de au joo kei Chrott im Haus ha. Und de ändlich, nachem Jo-Wort hei mir eus chönne umarme und küsse. Eg ha das sooo gnosse, das hätti am liebschte vorhär scho die ganz Zit gmacht. D'Lüt hei sogar klatschet bi eusem Kuss. Hi hi hi.

• Zitieren