@saerli: Och ne - sei gedrückt. Hm, chani mir vorstelle - han dini Familie ja au scho bitzeli dörfe erläbe. Dänke ihr zwei chömed dört us zwoi ganz andere Familie. Schön isch ja, dass din GG sich bi eu so wohl fühlt - unds au chan navollzieh, dass es für dich schwär isch mit sinere Verwandtschaft. Er chunt vo sinere Familie und hangt durum verständlicherwis au dra.
Ich würd dir zwei Sache vorschla: Snächst mol grad säge - du ich bringe z.B. de Apéro mit - denn isch das halt suscht denn "SGaschtgschänk". Und wenn ihrs bi euch mache - au grad alli Ispanne.
Glaub au - das das nöd in eimal gaht - aber steter Tropfen hölt den Stein. Und vorläbe isch oft sbescht. Wenn din Schatz mitzieht begriffts denn eventuell au sini Familie.

Und am Abig/Alass sälber: Kei schwierigi Theme, sich bim Hälfe abüte und möglichscht zu dene Sitze, wo me no am meischte mag. Was oft au hilft: z.B. es Fotialbum (Flitterwoche, Hochziit) oder so mitnäh - da hät me em gmeinsams Thema wo mal positiv isch. Und was ich bi so Bsüech au grad abmach - wenn gömmer hei. So mit Codewort und so. Denn chasch immer no flüchte, wenns zvill isch unds nöd magsch usdiskutiere.

Venus81

• Zitieren

Liebi Saerli ig wünsche dir viel Muet und Geduld mit dere Familie.
Wie viel du wosch u chasch investiere isch natürlech ono e Frag. Wie d`Venus gschribe het, wird es eher scho es "steter Tropfen hölt den Stein" wärde. Schliesslich gitz de o nid 100% Erfolgsgarantie.
Aber i findes mega schön vo dir, dass du dim GG z`lieb e so entgägekommend u fründlech zu dere Familie chasch si. (I weiss nid öb i das würd schaffe...) Grad d`Ussag vo dere Tante isch ja mega truurig - schint als gäbs ds Wort Nächsteliebi nid i dere irem Wortschatz.

Si de die Verwandte wyt vo euch entfernt?
Wöu bi üs isch es eso, mir chöis mit allne Verwandte rächt guet u si itz immer über Wiehnachte im Aargau gsi, när 25. bi mire Family im Saaneland u 26. no im Ämmital bi mire Grossmuetter. Dises Jahr hei mr das alles mit eme halbjährige Bueb gmacht! Isch e mega Stress u ne mega umefahrerei.... Mache mir nüme mit. Nächsts Jahr blibe mir mind. ei Fiirtag deheim und alli wo zu üs wei cho dörfe das natürlech.

Das chönt ja für euch o e Lösig si für d`Zuekunft mit Chind. Entwäder dir weit alleini fiire ir Familie (wär de o mal mi Troum) Und so wäg em organisiere: Dass die andere eifach de müesse hälfe, will es schliesslich mit Chind scho süsch Arbeit git. U süsch würd i als Worst-Case-Szenario mal nume Sändwiches serviere; meh sig nid drin gläge (Spass bei Seite)

• Zitieren

@ Venus
I ha jo de Vorschlag gmacht gha zum öpis biträge und hälfe. Sie het das strikte abglehnt, well sie sech jo sust "verpflichtet" mer au emol müesse zhälfe.
Aber i weiss scho was meinsch ond i werde provokativ emmer weder froge obi was chan hälfe und versueche zeige, dass mer förenand do esch. Vellecht schaffis jo wörklich eines Tages, dass sogar DIE no öpis dezuelehred
Das met em Codewort merki mer, das esch en gueti Idee :)
Mer händ sAlbum debi gha ond während dem sie das aglueget händ esch de friedlichsti Moment för mech gsi vom ganze Obe.

@ Lerch
Danke vellmol... Du weisch jo was ich för en Glaube ha, nämli de glich wie du :) Det lehrt me was Nächsteliebi ond Gmeinschaft esch. Sie kenned das leider ned (GG hets au erst dor mech so rechtig kenneglehrt).
I fühle mi amig i sonere verdreite Welt wenn ich det ben. Sie händ offesichtlich nie glehrt was Nächsteliebi esch, jede luegt nor för sech. Sie händ mer sogar mol grote, dass ich meh för mech sell luege ond ned emmer för die andere, dasi sigi doch vell zasträngend, wenn mer sech um anderi kümmeret. Mini Schwigermam esch ned emol GG go bsueche wo er nachere OP 3 Wuche Daheim gsi esch, "ich düeg mech jo guet um ihn kümmere.......". So egoistisch ond eifach esch dene eri Welt.

Da glaubi, dass dWiehanchte met em Chline so chli stressiger gsi esch. Aber alli händ en jo welle gseh ond met euch als Famliie fiire, wasi verstohne. Aber ebe, sälber goht mer debi under ond es esch rechtig, wenn er allei wänd fiire ond wer wet cho, sell cho. I glaube bi eus werds au uf das uselaufe, en besseri Lösig fallt mer ned i, damit au GGs Familie "zfriede" esch.

GG het eigentlich nor sini Eltere, sini Tante, de Cousin ond sGrosi. Es send alli speziell gstrickt, aber dTante esch die schlimmst. Die het a Wiehnachte emmer no eine druf gsetzt, emmer no einisch sGummihämmerli uf mis Chöpfli ghaue. I ha eifach sGfühl sie macht gueti Miene zum böse Spiel. Warum i das so empfinde weissi ned...
GG het vorgschlage, dasi met ere sGspräch sueche. Aber i möcht ned met ere rede. Sie esch eine vo de wenige Mensche wos schaffed, dasi baff be ond en Chlotz im Hals ha. Normalerwies beni gnueg stark, aber die het ganz en komische Ifluss uf mech.

Du schribsch, dass du ned weisch ob so lang chönntsch fründlech sii... Glaub mer, i kämpfe

@ elea
Jo i fende ebe au, dass es so set sii. Be weisch wie baff gsi Ha dWelt nöm verstande wo die mer seit sie hälfi mer ned ond sie verlangi den das ond das Gschänk als Dankeschön, dass mer bi ere "dörfed" sii a Wiehnachte. Pfff....
Das met em uswerts go ässe esch gar ned so blöd. Aber das wänds glaub ned. Sie wänd jo, dass eine allei dArbeit het ond alli andere chöned zruglehne. Ond wenn jedes Johr en andere dra esch, chan ja jede mol zruglehne. So laufts bi ene ond obs mer gfallt oder ned.

Danke euch förs do sii :)))

• Zitieren

Hmm, das werd schwerig, well es esch jo ned mini Art mech so zbeneh wie sie. Vorallem sie duet emmer so gspielt fründlich und seit mer durch die Blume was sie dänkt. Mängisch hani sGfühl sie meint i sig so blöd ond merki ned, dass sis eigentlich ned so nätt meint wie sie duet.
Mer fallts au emmer weniger eifach, ernsthaft nett zsie, es lauft au druf use, dasi ergendwenn mis nett sie nor no chan spiele oder i ere eifach ganz usem Weg go.
Aber i weiss was meinsch, es get Lüt, bi dene muess mer en andere Ton aschloh. Aber i möcht jo ned Strit i sine Familie bringe.

• Zitieren

Jo das hani au dänkt. Sie händ alli gseh, dasi met de Tränke kämpfe. So vell Lüt send mer jo ned gsi, jede esch jedem gägöber ghocket. Mini Schwiegermam het den gseit, i seli ned trurig sii wäge dem, dTante heig jo nor eri Meinig gseit. Ond wenn ich mol es Problem heigi, chöni ich jederzit zu de Tante, sie sigi emmer för mech do.
Hallo schliefts?! Ich go grad zletscht zu dere go rede, wenn mech öpis bedrückt. I chome ned drus warum die so send. GG esch öberhaupt ned so, sust hätti me jo nie i en verliebt.
I hät i dem Moment gärn mini Meinig gseit, aber weni das gmacht hät, denn hätti mi vor Träne nöm chönne erhole ond de Obe wär för alli met eme unguete Gfühl gloffe gsi.

• Zitieren

Neinei, met em Schwigermami rede brengt nüt. Die esch au so, eifach ned ganz sooo schlimm. Aber sie esch au so...
Es esch kei Lösig auf Dauer, das esch mer bewusst. I luege mol wie snächste Träffe werd ond wenns de halt emol eskaliert, denn esch es de halt so. Wechtig esch, dasi met mine Schwiegereltere klar chome, das chani grad no händle. I weiss, dass mini Schwiegereltere mech gärn händ ond dass sis ned bös meined. Sie händ eifach en spezielli Art... Aber met de Tante werdi wohl nie zrächt cho, ussert es passiert es Wunder.

• Zitieren