Ja da hesch du Rächt Canoa. Danke
Mer möched vor allem nedemal öbbis wo total us de Bahn gheit, eigentlich es ganz normals Hochzit wiemers kennt.

Aber ja mer muess eifach momentan eifach chli alles schlächt mache wo ich han. Chan ja au nüüt defür dases met mim Schwager ned passt hed (sie gsehts ja au ih)

Es duet halt eifach chli weh vo de Schwöster aber ja das ghört halt demfall au dezue

• Zitieren

Leider die Erfahrig hani au scho müesse mache, mini Schwöster reagiert au rächt iversöchtig, wohl sie seid sie segs ned. Aber ech gseh kei andere Grund för ehres Verhaute. Es macht ächt weh.
Ech hoffe sehr, dass du trotzdem vööööu Lüt um dech ume hesch wo sech met der/euch fröided. Mängisch muess mer eifach die lüt link legge loh, damets eim ned no schlechter goht...

• Zitieren

Mini älteri Schwöster behauptet au sie seg ned iversöchtig, aber för mech gehts kei anderi Erklärig. Ech has de au so loh stoh, es brengt nüt a dem Thema witerume zdisskutiere. Sie hed sech bis jetzt aber ned gross beteiligt a eusem HZ. Mini jöngeri Schwöster esch mini TZ ond sie macht ehri Sach im Grosse und Ganze ganz guet. Am Beste probierschdi werklech bi dene Lüt ufzhaute wo der guet tönd wo sech met der freued. Aues anderi tued der ned guet! Es tued weh wöus Familie esch, aber wie heissts doch: Die Menschen die man am meisten liebt, können einem auch am meisten weh tun.
Ech wönsche der vo Härze dass sech dini Schwöschter beruhigt ond gli mer der zäme cha fröie...

• Zitieren

So muen jetzt mich au no us kotze.

Han mi grad tierisch über min Neffe ufgregt.
Ich han mich ja letscht Johr mit minere Schwöschter verstritte. Und ich han sie mit ihrem 2. Ehemaa und ihre Sohn, ja nume Astandshalber as Hochziit i glade.

Letscht Fritig hend mir ja Ameldeschluss gha und will mir s` ganze Weekend unterwegs gsi sind, bini erst hüt wieder go luege wer sich no alles a gmeldet het. Leider hends sich natürlich wieder nöd all gmeldet.

Aber de Best het ebe de Sohn vo minere Schwöschter bottet. Er meldet sich und irgend en Typ, woni nöd kenne zum Übernachte ah. Ich gang mal schwer defo us, dass am restliche Programm au teil wirdend näh.
Ich han aber kai Ahnig was für en Typ dass das esch! Kai Ahnig öb er jetzt Schwul esch. Müänd mich jetzt nöd falsch verstoh! Ich han überhaupt nüt gege Schwuli.
Aber ich han null Bock, dass min Neffe jetzt mis Hochziit missbrucht, um sies Coming Out de Familie mit zteile.
Aber es würd halt zu dere Familie passe... Das au am mim Grosse Tag, wieder wend im Mittelpunkt stah.
Ich han ihm mal es E-Mail gschribe. Uf die Antwort bini ja gspannt.

Muen die ganz Gschicht am Obe mit mim GG a luege. Will ich finds eifach mega frech, dass er eifach no öpert mit nimmt. Will mir hend ihn nume als 1 Person grechnet.

• Zitieren

@Valey: De Gipfel vo de Frechheit findi ich vor allem. Das er eifach öper wott mit näh.
Er hät ja vorene chöne Froge.
Ich chan ehrlich gseit, kei Skruppel de wieder uszlade. Aber gseh scho mini Mutter weni das ihre verzähle: Chasch nöd eso si.... Aber hallo, ich zahle doch nöd für eine woni nöd kenne, en Apero und es Nachtesse....

Ich meine ich bin letscht Johr au amene Hochziit i glade gsi. Min GG kennt beid au.
Aber d` Iladig esch nume a mich gsi und ich bin den halt elei gange. De Brütigam het den nume gmeint, ich hätti min GG natürlich chönne mit näh.... Aber ich bin doch nid so frech und nimme einfach mit....
Und umgekehrt hemmer` s ammene Geburtstag gha. Det han ich ihn nöd guet kennt, und bi defo usgange, dass ich nöd iglade bin. Für mich au absolut kais Problem gsi.
Min GG esch am Fest uftaucht und de hend`s ne scho gfragt: Wo esch dini Besser Hälfti? Sie wär au iglade gsi....

• Zitieren

Uii, Rebella, do wäri aber ou ganz hässig worde!
Ech wörd iez eifach mou abwarte, waser zroggschriibt ond de channsch jo fröndlech drof heewiise, dass du dänkt hesch, är chämi elei ond ned in Begleitig. Vellecht gseht ers jo de vo säuber ih.

• Zitieren