Mit Feuereifer haben wir uns (ok, zugegebenermassen vorallem ich mich ) in die Hochzeitsvorbereitungen gestürzt. Nachdem wir aber die ersten Details jeweils mit unseren Familien ausgetauscht haben, steigt der Frust. Verschiedener könnten die zwei Sippen nicht sein, in unserer neunjährigen Beziehung haben sie sich erst einmal getroffen. Man pflegt lieber die gefassten Vorurteile als offen aufeinander zuzugehen. Es macht mich unglaublich wütend, wenn meine Eltern über jeden Vorschlag, den wir machen, stänkern und finden, "naja, es muss halt EUCH gefallen". Seine Familie ist zwar noch eher am Mitfiebern, schüttet uns aber mit Ideen und Vorschlägen zu, so dass wir uns fast nicht zu wehren getrauen.
Beiden freuen sich nicht wirklich, aufeinander zu treffen. Ist es zuviel verlangt, sich einen Abend zusammen zu reissen? Uns zuliebe! Andererseits: Unter diesen Umständen soviel in die Festplanung zu investieren..

Habt ihr ähnliche Erfahrungen oder sind wir hier eine extreme Ausnahme? Wie verstehen sich eure Familien?

Riesenseufz

• Zitieren

Hallo Murmeli

Du häsch mir jetzt gad richtig leid tue, woni das duregläse han. Das isch allerdings nöd eso schön, dass sich oii Eltere nöd so verstönd oder au gar nöd versueched sich z'verstoh. Isch würkli truurig.

Bi ois isches nöd eso. Aber bi minere Schwöster isches ähnlich gsi. Also ihri Schwiegereltere händ eifach irgendwie chli es Problem gha mit ihre und de ganze Familie (also minere Familie). Es isch für sie au sehr schwär gsi (leider immer no), aber sie händ versuecht, sich würkli uf sich und ihri Froid ufs Hochzig z'konzentriere.

Händer schomol mit oine Eltere dadrüber gredt, das oi das Müeh macht? isch sicherlich no schwierig, aber villicht isch ihne das gar nöd so bewusst, das oi das truurig macht. Ich glaub ich würd würkli versueche s'Gspröch z'sueche mitene und vermittle, dass oi das sehr wichtig isch, dass ihr en schöne Tag chönd verbringe, mit glückliche und stolze Eltere ohni zwänzg-ab-achti Gsicht.

Ich weiss ehrlich gseit susch nöd, wasi dir chan rote. aber ich hoffe fescht, dass ihr e gueti Lösig finded und oi d'Froid ade Vorbereitige nöd neh lönd.

Ganz liebi Grüess

Rahel



Mir froied ois extrem fescht uf oises Hochzig am 1. August 2009!

• Zitieren

Hoi Murmeli

Mir händ äs ändlichs "Problem" nöd unter dä Familie sonder vo mim Schatz sim Mami zu mir. Sie find er heg öpis bessers verdient im gägzug seit sie aber das sie mich nid kännt. Also sind mega gägäsetz. Was ich eifach mega ufs herz wett legä isch das ihr eui nid entmuätige la lönd. Sonder das ihr eui dur das eher terä la lönd. Eus gahts so dur das mir so ä abneigig gspüräd und erfahräd schweiss euszwe das naaaaa viel meh zämä.

Ich find au nid das äs zviel verlangt das sie sich sölläd zämä riesä, aber leider chasch würklich nid meh machä als gspröch suächä. und eui eifach nid entmutigä la. mini meinig is es git doch nüt schöners wänn sie zwei gfundä händ und ihräs läbä wend zämä verbringä. aber irgend wiä schnalläd das gwüssi lüt nid. ich finds u unverständlich und ich chan dini wuät au sehr guät verstah. mich hät das ganzä au äs zietli lang sehr wüätig und drurig gmacht. aber ich han mir au irgend wiä müässä sägä das äs rein für euis zwei stimmä muän und für niämert anders.

Ich wünsch eui beidnä ganz viel chraft und lönd eui nid freud uf euiä gross Tag näh.

Ganz liebi Grüäss
Pilz
Mir hüratäd am 20.6.2009 jupi

• Zitieren

Ihr liebe...

viele dank für die muetmachende wort! i ha würkli langsam zgfüehl gha, mer seget die einzige, wos eso gäng.
gschpräch hani - emel mit miine eltere - scho gsuecht. dantwort isch dänkbar eifach gsi: weisch, mer send halt scho alt. üs chame nüme ändere. was wosch da druf no säge?
dr unterschied vo üsne familie isch nid nume altersmässig, sondern au interkantonal und vorallem finanziell spürbar. sini eltere sind sehr vermögend und chömet us sog. guete familie. miir hingäge sind guetbürgerlich, nid so gschtabig und stiif, säge was mer dänke, trinke meh als nur eis glas wii zum ässe und händ no nie fischmässer dehei brucht.

houptsach, min schatz und ich häbet zäme. dr räschte isch beigemüse..

• Zitieren

hallo ihr liebe

huiuiui!!! han ich mittleid mit euch!!! das isch ja überhaupt nöd schön, so öpis...

ich han zum glück s beschte schwiegermami wonich mir chan wünsche!!! bin scho sit em aafang mit ihre duzis und mir händ au scho z zweite u kuhli sache gmacht... (z.B. en wellness-tag) das hät eus mega nächerbracht... usserdem kennt sie ihre sohn zu guet und hät scho am afang gseit: sie bewunderi, dass ich sini macke ushalte... sie staht au hinter mir und nöd hinter ihm, wenn er en seich macht und das seit sie ihm au... findi voll kuhl! ja, und mit sim papi bini au scho elei an hockeymatch oder so... eifach super, die familie!!!



bi minere familie gsehts da leider andersch us: mis mami hät vor allem am aafang s gfüehl gha, es geb en bessere für mich... unterdesse hät sie min schatz is herz gschlosse... min papi und mini grosseltere sind sowieso super und für sie isch min verlobte scho sit jahre en teil vo de familie..
mis mami und min papi händ sich ebe ersch vor 6 jahr trennt und drum gits da immer na so blödi riibereie... mis mami isch sitem märz wieder ghürate und de neu maa (mit dem isch sie scho 6 jahr oder grüchtwiis na länger zäme) isch ebe früehner mit mim papi i de führwehr gsi... ja, familiedrama perfekt... mis mami hät jetzt ihre neu maa, min papi zum glück au en fründin, aber d stimmig wird uuuu komisch sii, will die vier no nie zäme a eim familieaalass gsi sind und irgendwie han ich au chli angscht dervor... aber ich han mir gschwore: tued öper blöd, chaner grad verreise... will kei theater a mim schönschte tag!

leider gits zwei sache womer am hochzit nöd cha plane: s wetter und d familie...

wünsch euch viel durchhaltewille und nämed euch d freud am plane nöd!!! das ich EUCHE tag!!

grüessli

trulla

Editiert 22.04.08

• Zitieren

hey surri, ist zwar etwas alt, aber wie hat sich deine schwigermama schlussendlich an eurer hz benommen? ich hoffe von ganzem herzen, dass sie anständig war! unerhört, was ich da von ihr gelsen habe! manche schwiegermütter sind echt unglaublich!

• Zitieren