valey i wörd si ned ilade! wel wie du scho gseit hesch es esch euchi hochzit ond det wetsch doch wörkli nome lütt debi ha wod au gern hesch!
ond wenn si de jo au ned eso mag, de machts ere velecht au nüt us wenn si ned iglade werd, wel so jo velecht gar ned wet cho!
mer hend bi eusere gäschtelischte chorzeprozess gmacht. en sehr e guete koleg vo mer het e fröndin wo ich ned mag, aso hani beidi ned iglade. wel me cha jo au ned öper ilade ond schribe "bitte ohni partner". aso chont er halt au ned. Item machs der ned so schwer, due wöööörkli nome lüt ilade wod gern hesch. ond wenn si de halt em nachhinein sauer send esch doch glich! hauptsach ehr hend e tolle tag gha!!!! i weiss es esch eifach gseit als gmacht od bi eus werds secher no chli böses bluet ge aber om das kömmere mer eus de nach de hochzit :)

• Zitieren

nicht registriert

Hey valey

da isch ja wüklich e blödi situation. aber grundsätzlich isch es echt euen Tag und do sötted ihr mache und ilade wer ihr wönd. Isch doch doof wenn dir di ganz zit vor de hz und am tag selber weg ihre muesch gedanke mache das sie sich au recht benimmt.

Und wie du am schluss gschriebe häsch, wür sie di au nöd ilade.
I glaub i wür lieber chli stress mit de verwandte in kauf neh als öper a de hz debi ha wo i nöd chan usstoh. de goht nämli sicher verbi, aber ihr händ nur ein tag und de sött doch möglichst perfekt si

• Zitieren

uff es isch so kompliziert..

es isch ebe au so dass sie au im gliche bettrieb schaffed
de müest ich sie de sowieso am apero ilade die andere vom gschäft ladi au ih
de isch doof d eltere, tantene usw. chönd witer as fest und sie ned?

uff weis echt ned..

mini tz hed vorgschlage ehre iladige geh und de mis schwiegermami froge ob sie med ehre so redet das sie besser ned goht a eusem fest..
weiss nedd

• Zitieren

Misch mi au no schnell iii...
I kenne die Situation und träge folgendes bi:

Entweder das wo Daninici gseit het, denn es esch euche Tag ond er chöned ilade wer er wänd debi ha.

Oder:

Sie würd dech ned ilade? Warum muesch es denn so mache wie sii? Chasch sie jo ilade ond ere so "zeige", dass du ned so besch wie sii. Wenn sie sech freut, denn chonnt sie, wenn sie di ned mag, denn chonnt sie ned.
Am Hochzitstag besch du so im Züg ond so voll Emotione, do bemerksch sie eigentlich gar ned.

Mer händ jo au en Gast gha, wo mer ned händ welle ilade, aber mer händ fast müesse. I ha ihn sogar extra so platziert, dasi en ned muess gseh am Obig, so wiit weg wie möglich vo mer, hinder em Pfoste
I ha rechtig Schiss gha, dass er eus sFest versaut ond am Schluss, hani mi eines besseren belehre loh. Er esch total aständig ond dankbar gsi ond mer händ en eigentlich de ganz Tag gar ned so bemerkt. Sethär hani au en anderi Meinig vo ihm.

Aber sWichtigst esch, dass es för euch zwoi stimmt. I ha ned alli Verwandte chönne ilade, wells eifach zvell send. Ha mer Sorge gmacht obs de eint oder ander ächt persönlich nimmt. Es händs glaub alli verstande, dass ebe ned emmer alles goht. Ha ämel nie ghört, dass sich öper beklagt het.

• Zitieren