| Programm Ziviltrauung Wädenswil |
|
|
1 2 3
|
Mrs_Lucky  am 04.05.2012
Programm Ziviltrauung Wädenswil
Wir werden einen Tag vor unserem grossen Fest zivil getraut. Die Trauung findet um 16.00 Uhr in Wädenswil statt. Es werden nur Trauzeugen und nahe Familienangehörige dabei sein. Wir wollen später zusammen Abendessen. Nur haben wir keine Idee was wir in der Zwischenzeit bis zum Abendessen machen sollen und wo wir Abendessen sollen... Hat jemand Tipps?
|
|
|
melina77 am 07.05.2012
Re: Programm Ziviltrauung Wädenswil
Hallo Mrs_Lucky! Schön, ich gratuliere! Wir heiraten auch in Wädenswil!
Fürs Abendessen nach der zivilen Trauung kann dir das Restaurant Krone in Hütten ZH empfehlen....superfein :)!
|
Vikunija  am 07.05.2012
Re: Programm Ziviltrauung Wädenswil
Chunt halt drufa, ich het e Idee, aber isch viellicht nöd jedemanns Sache. Weiss aunöd wie feschtlich ihr kleided sind...
Aber wie wärs uf d Schönegg go Minigölfle und denn na en Apero ne. Ich finds superschön det öbe und dusse uf de Terrasse ischs au immer e schöni Atmosphäre.
Chented natürli au grad det Znacht esse.
|
Mrs_Lucky am 07.05.2012
Re: Programm Ziviltrauung Wädenswil
Danke für eui Tipps! Gueti Idee händ ihr! Mittlerwiile hani au no öppis gfunde wo in Frag cho würdi. Uf de MS Glärnisch en Apero näh, dänn det es Pedalo miete und spöter det z Nacht ässe. Isch dänn eifach e legeri Aaglegeheit.
melina77 wänn hürated denn ihr?
|
Vikunija am 07.05.2012
Re: Programm Ziviltrauung Wädenswil
Ja dasi da nöd selber druf cho bi. Klar d MS Glärnisch!
Ich findes det aber super! Und d Lounch dusse vorem Steg wo ja au dezue ghört isch au lässig.
Zum Apero würdi eu wärmschtens en Peter + empfehle. Aber Achtung Sucht und Schwips Gefahr! 
|
melina77 am 07.05.2012
Re: Programm Ziviltrauung Wädenswil
Ouuu d'MS Glärnisch isch meeega....stimmt, bi dem gruusige Wätter isch mir die Möglichkeit gar nöd in Sinn cho. Mir hüratet am 8. Juni 2012....scho glii :o). Und ihr?
|
Mrs_Lucky am 07.05.2012
Re: Programm Ziviltrauung Wädenswil
Ja han mi au gwunderet das mir das nöd früehner in Sinn cho isch....Bin aber selber no gar nie det gsi. Mir gönd denn Mal öppis det go ässe zum luege obs au guet isch....aber a eune Reaktione schiints guet z sii!
Was isch en Peter+???
Mir hürated am 29. Juni zivil und am 30.Juni git eus euse Pfarrer z Wädi im Rosemattpark e Sägnig. Känned ihr de Rosemattpark au?
Und händ ihr scho alles organisiert melina77?
|
melina77 am 07.05.2012
Re: Programm Ziviltrauung Wädenswil
Dä Peter+ känni nöd...aber d'Vikunija hät so Werbig gmacht...bi nägschter Glägeheit probier ich dä uus...d'Schwippsgefahr nimi uf mich :o))).
Mir hüratet au im Rosenmattpark...s'zivile isch glichziitig au grad s'grosse Fäscht, will mir nöd kirchlich hürate tüend. Isch wunderschön dett, gäll?
Organisiert hämmer scho fascht alles - ich muess nur no d'Tischkärtli fertigmache, suscht hämmers! Hoff ich zumindescht :o)....ich träume mängmal, dass ich d'Blueme vergässe han, oder s'chleid nöd abgholt han :o)) hahaha...
Und wie wiit sind ihr? Häsch ja nochli Ziit! Bisch denn du vo Wädi?
LG
|
Mrs_Lucky am 07.05.2012
Re: Programm Ziviltrauung Wädenswil
Das isch ja geil isch hammer schön dete ja!!! Bi eus werdet dänn bi schönem Wetter verusse so Feschtbänk uufgstellt und dänn findet Trauig det statt und bi schlechtem Wetter isch es dine im grosse Saal. Nei, ich bin vo Richti. Und du?
Wie mached ihr denn das? Nähmed ihr det en Apero und gönd denn ines Reschti go zNacht ässe? Bi eus laufts eso mir gönd dänn is Chnuschperhüüsli uf dä Buchenegg go zNacht ässe.
Im Grosse und Ganze hämmer scho ziemli alles organisiert. Sind eifach no so chli chlineri Sache wo mer no müend mache... Und em Pfarrer sötted mir no konkreti Idee und Vorschläg bringe wie mir die Segnig gern gstaltet hettet...da sind mer no ziemli ratlos...
Und de Peter+ wirdi bestimmt au uusprobiere!
|
melina77 am 07.05.2012
Re: Programm Ziviltrauung Wädenswil
Bi eus isch genau gliich mit em Saal...wobii ich hoffe, dass mer schön Wätter händ...oder eifach kei Räge...isch hoffentli nöd zvill verlangt vom Petrus
Mir nämet dä Apéro im Rosenmattpark und gönd dänn is Neubüel ufe go ässe. Die händ dett en riesige Saal (bi minere italienische Verwandschaft brucht mer das haha). Au d'Föteli machet mir vor dä Trauuig im Rosenmattpark. Dä isch soo schön, das muesmer usnütze :)
Ah, vo Richti! Ich bi vo Wädi...also herezüglet, aber mir isch, als ob ich scho immer da würdi wohne.
Ich finde eui Idee mit dä Sägnig im Park imfall dä Hammer! Mir isch das nöd in Sinn cho :). Für eus isch ebe kirchlich keis Thema gsi, will ich scho mal ghürate han...und mim Schatz isch die kirchlich Trauuig nöd so wichtig gsi. Aber ich stell mir vor, das wird bi eu wie im Film...sicher wunderschön. Und kei Sorg...für d'Gestaltig vo dä Sägnig chunnt dir bestimmt öppis guets in Sinn...häsch doch nochli Ziit!
Ich glaub, dä Peter+ probier ich am Weekend uus.
|
|
|
1 2 3
|
Anmelden
