Ich bin nächst Jahr Trauzüügin am Hochsig vo minere beschte Fründin. D Trauuig findet scho am 11i statt, das heisst nach em Apero, wo so bis am 2i gaht, bliibed na mind. 3 Stund, wo mier vor em Znacht na überbrücke müend. En Teil vo dere Ziit wirds s Bruutpaar am Fötele sii, aber di letschte 2 Stund werded sie sicher au wieder debii si. Het öper e gueti Idee, was mer i dere Ziit na mache chönti mit de Gäscht (ca. 60 Lüüt) und em Bruutpaar??? S Hochsig findet ide Nöchi vo Schaffhuuse statt.

Merci für euri Hilf!

Zuletzt bearbeitet am 22.12.2010

• Zitieren

Hoi prinzaessin!

Wir werden wohl auch so ein Problem haben. Da wir aber von unserer Location ein ZVV Ticket bekommen werden, haben wir an eine Schiffsfahrt gedacht. In der Nähe von SH könnte dies ev auch möglich sein?

• Zitieren

Hoi zäme!

Merci für eui Idee! E Schifffahrt hämer üs au scho überleit gha, aber d Bruut fahrt leider gar nöd gern Schiff und zweitens liit de Rhiifall zwüsched de Chile und de Abiglocation, denn müesst mer glich na für e churzi Strecki es anders Transportmittel organisiere, was das ganzi ziemli kompliziert (und au tüür...) wür mache. Minigolf isch momentan üse Favorit, da müemer luege, öb sich das ide Nöchi umsetze laht, au bi schlechtem Wetter...Bim Bowling frägi mi halt eifach chli, öb das überhaupt gaht mit schöne Chleider und was denn zB d Grosseltere mached i dere Ziit...

Mier sind aso wiiterhin seeehr offe für neui Idee ;)

• Zitieren

Also Bowling isch keis Problem mit dä Chleider.....a dä Hochziit vo minere Schwöschter sind ja au alli chic agleit gsi und isch super gange. Hend sogar alli mitgmacht, inkl. ältere Lüüt :-) mir hend zwei Durchgänge gmacht gha. Dä erschti hett zehlt gha und dä zweiti nöd....so hetts no chlini Priisli zum verlose ghe.

Oder suscht ä Kutschefahrt dur d'Rebberge und än Wiibuur verzellt öppis dezue? Das Jahr simmer amene Hochziit iglade won i dä Rebberge vo Schaffhuse stattfindet. Dettä wirds dänn au so ä Kutschefahrt ghe...........mir hoffet uf schöns und warms Wetter

• Zitieren

wie wärs mit eme tanzkurs? mir händ das welle mache zwüsched apero und abiglocation, aber irgendwie wärs eifach zviel worde für d'gäscht! aber bi 3 stunde zum überbrücke chan meh das sicher guet mache...

lg
nimbini

• Zitieren

hey isch doch gerngscheh! villicht känned ihr ja au öpper, wo chan unterrichte? mir tanzed ebe salsa und das isch au euse hochzytstanz gsi und händ kollege, wo unterrichtet, darum isch das bi eus es thema gsi! so quasi dass d'lüüt s'glernte dänn nach em ässe grad chönd awände! würd eifach die zyt nöd allzu fescht vollepacke! ich hans bi eus gmerkt, dass d'gäscht froh gsi sind, wänn sie mal händ chönne es stündli unter sich si und schwätze ohni dass immer programm gsi isch!

• Zitieren