Was mi jetz glich no würd wunder näh: Gits irgend öper hie wo dr GG dr Namä vor Frou animmt??? Oder kennet dir öper? I ha drum würklech no nie vo öperem ghört wo das so isch... Obwohls ja scho lenger müglech wär.

• Zitieren

I kenne Fäll wos so esch...

Bim einte het er ere Name agno, well sine türkisch esch ond ere schwitzerisch... Für ihm sis Business esch es so eifacher...
Denn kenni no es Paar wo beidi türkisch send, sin Name esch so kompliziert gsi zum ussrpäche, denn händs ere Name gno.
Ond im andere Fall esch es eifach so gsi, dass sin Name beide ned so "gfalle" het :)

• Zitieren

Ah de gits das ja doch ou! Merci für öii Antwortä... Mi GG het sich das äbä ou scho überleit, eifach wöu si Nachnamä mega läng isch und er sich immer närvt wöu aui Formular zweni Platz hei...

• Zitieren

Mi GG het im Gschäft öpper gha wo dr Name vor Frou agnoh het. Das isch zwar denn e chli komisch gsi, wills halt scho ned eso üeblech isch aber sie hend sech dra gwöhnt und jetz isches halt eifach eso.

• Zitieren