| Musiker für Obe gsuecht |
|
|
1 2 3
|
Caroline  am 11.10.2009
Re: Musiker für Obe gsuecht
@Gloeggli, wo dir dür Norman Böttcher agfrogt heit, hat är euch grad sofort gantwortet oder heit dir muesse uf d'Antwort warte?
Mir hei ihn drum am Donnstiobe agfrogt und bis hüt no nüt ghört. Bi fängs chli unruehig, da ig angst ha, dass mir plötzlich kei guete, einigermasse im Pris Musiker wärde finge. Schribe ihm morn am Morge no einisch es Mail.
Grüessli Caroline
|
|
|
Gloeggli  am 11.10.2009
Re: Musiker für Obe gsuecht
Hoi Caroline
I dä Regel antwortet er rächt schnäll, han aber au scho gmerkt, dases öber es Weekend chli länger goht. Dänke, dass er ame vom Frietig bes Sonntig onderwägs esch.
Hesch du s Bestätigongsmail dass er dis Mail becho het öbercho?
Wörd vellecht bes Morn Zobe mol no abwarte, er mäldet sech secher.
Muäsch mer onbedengt säge öbs klappet.
Grüässli Glöggli
18. Juni 2010 Zivil - 03. Juli 2010 freii Trouig
|
Caroline am 11.10.2009
Re: Musiker für Obe gsuecht
Hoi Gloeggli,
mi Verlobt ihn agfrogt. Dänke scho, dass är es Bestätigungsmail becho het.
Jo das hani ebe ou dänkt, dass är übers Weekend ame ungerwägs isch. Es macht mi haut eifach chli närvör wüu mir schüsch müesse wiiter luege. Merci für dini Antwort.
Grüessli Caroline
|
Gloeggli am 11.10.2009
Re: Musiker für Obe gsuecht
Wenn esch denn euches Hochzytsdatom? Will er het mer letschthin mol sini freie Date för Mai/Juni/Juli dorä gäh, da mer euse Tag händ müässe schiebe.
Grüässli Glöggli
18. Juni 2010 Zivil - 03. Juli 2010 freii Trouig
|
Caroline am 12.10.2009
Re: Musiker für Obe gsuecht
Mir hürote am Samsti 21.08.2010.
Schöne Nomi.
Grüessli Caroline
|
Gloeggli am 13.10.2009
Re: Musiker für Obe gsuecht
Hallo Caroline
Ond händ ehr öbbis ghört vo ehm?
Grüässli Glöggli
18. Juni 2010 Zivil - 03. Juli 2010 freii Trouig
|
Caroline am 15.10.2009
Re: Musiker für Obe gsuecht
Hallo Gloeggli,
merci fürs nochefroge. är het sich am Mittwuch gmäudet und jetzt hei mir ihn grad def. buechet.
Bi schön froh het das klappt.
Merci no einisch vüu mou für di Tipp.
Wünsche dir no ä schöne Obe.
Grüessli Caroline
|
Gloeggli am 15.10.2009
Re: Musiker für Obe gsuecht
....wow so super, das freut mi mega för euch.  Säge der denn wiä er gsie esch. Händ ehr ehn förs Fäscht Zobe oder au för d Chele buächet?
Heschem en "Gruess" vo mer gschrebe?
Liäbs Grüässli Glöggli
_________________________________________________________
18. Juni 2010 Zivil - 03. Juli 2010 freii Trouig
|
Caroline am 21.10.2009
Re: Musiker für Obe gsuecht
Hallo Glöggli,
mir hei ihn füre Obe buechet. Chönnte ihm aber bis mitti Dez. no bscheid gäh wenn mir ihn no für id Chile wette.
Jo ha ihm dür Gruess gseit.
Merci
Schöne Obe.
Grüessli Caroline
|
Hase1981  am 21.01.2010
Re: Musiker für Obe gsuecht
Hat evt. noch jemand Norman gebucht oder kann etwas dazu sagen? Kann er ab Playback oder so auch Mundart-Lieder spielen (singen wohl kaum?)
Es grüsst der Hase
14.07.99 verliebt
14.07.09 verlobt
und nach 11 Jahren und 11 Monaten werden wir am
11.06.11. kirchlich heiraten
|
|
|
1 2 3
|
Anmelden
